16 верасня ў дзіцячым пакоі прайшло святочнае мерапрыемства “Кніга – лепшы сябар”, прысвечанае Дню бібліятэк.
Дзеці здзейснілі цудоўнае падарожжа па кніжным царстве. Хлопчыкі і дзяўчынкі прынялі актыўны ўдзел у літаратурнай віктарыне “Адгадай-ка”, пад час якой паказалі веданне любімых казак і казачных герояў. Уважлівасць і кемлівасць дзеці праявілі ў конкурсе “Чатыры словы”.
Напрыканцы свята кожны юны ўдзельнік зрабіў сваімі рукамі кніжку-размалёўку. А гульня “Што любіць кніга?” нагадала дзецям як трэба асцярожна адносіцца да кніг.
Спрыяльная абстаноўка і сяброўскія зносіны зрабілі свята вясёлым і незабыўным.