7 лютага ў рамках ХХ Мінскай міжнароднай кніжнай выстаўкі-кірмашу “Кнігі Беларусі – 2013” адбыўся кірмаш інвестыцыйных праектаў Нацыянальнай бібліятэкі Беларусі.
Прэзентацыя ўнікальных факсімільных выданняў Нацыянальнай бібліятэкі прайшла на Нацыянальным стэндзе Беларусі.
На кірмашы былі прадстаўлены праекты 2012 года, за якія калектыву бібліятэкі была прысуджана спецыяльная прэмія Прэзідэнта Рэспублікі Беларусь дзеячам культуры і мастацтва, а таксама ўзнагарода ў спецыяльнай намінацыі “За ўклад у захаванне духоўнай спадчыны” пад час правядзення Нацыянальнага конкурсу “Мастацтва кнігі – 2013”:
- “Букварь языка славянского” (Вільня, 1767) – сумесна з прадстаўніцтвам XEROX у Рэспубліцы Беларусь;
- “Сымон-музыка” (1925) Я. Коласа – сумесна з выдавецтвам “Мастацкая літаратура”;
- “Шляхам жыцця” (1913) Я. Купалы – сумесна з выдавецтвам “Мастацкая літаратура”;
- “Гісторыя беларускай (крыўскай) кнігі” (1926) В. Ластоўскага – сумесна з выдавецтвам “Мастацкая літаратура”;
- “Калядная пісанка” (1913) – сумесна з ААТ “Банк БелВЭБ”;
- “Житие Евфросинии Полоцкой” (XV–XVI стст.) – сумесна з выдавецтвам Беларускага экзархата.
Усе, хто выступаў, падкрэслілі, што ўвядзенне ў шырокае навуковае і грамадскае абарачэнне найбольш яркіх помнікаў кніжнай культуры Беларусі пасродкам іх факсімільнага перавыдання дазволіць вырашыць шматлікія задачы, звязаныя з прапагандай нацыянальнай кніжнай спадчыны, актывізацыяй кнігазнаўчых даследаванняў у краіне, забеспячэннем захаванасці арыгіналаў.
У рамках прэзентацыі намеснік дырэктара Нацыянальнай бібліятэкі Беларусі па навуковай і выдавецкай дзейнасці Аляксандр Суша прадставіў Рэестр інвестыцыйных праектаў па факсімільным выданні помнікаў кніжнай культуры Беларусі, які дазволіць прадоўжыць гэту работу ў далейшым.
Пад час прэзентацыі прагучалі песні ў выкананні выхаванца дзіцячай музычнай школы № 13 г. Мінска Паўла Козіча.
Чытайце таксама:
Прэзентацыя факсіміле Полацкага Евангелля
 |
 |
 |
 |
 |
 |
 |
 |
