Нацыянальная бібліятэка Беларусі стала лаўрэатам 52-га Нацыянальнага конкурсу “Мастацтва кнігі” ў спецыяльнай намінацыі “За ўклад у захаванне духоўнай спадчыны”.
Цырымонія ўзнагароджання пераможцаў конкурсу “Мастацтва кнігі – 2013” адбылася 6 лютага ў Нацыянальнай бібліятэцы Беларусі.
Былі ўзнагароджаны лаўрэаты ў 14 тэматычных намінацыях, а таксама дыпламанты першай і другой ступені. Усяго ў конкурсе прыняло ўдзел 175 выданняў ад 31 выдавецтва.
Нацыянальная бібліятэка Беларусі ўдастоена ўзнагароды за факсімільнае ўзнаўленне выданняў “Калядная пісанка. 1913 год”, “Буквар мовы славянскай. 1767 год”, “Буквар у жыцці нашых продкаў”.
Намеснік міністра культуры Рэспублікі Беларусь Тадэвуш Стружэцкі ўручыў дырэктару Нацыянальнай бібліятэкі Раману Матульскаму дыплом першай ступені.