24 лістапада ў Віцебскай абласной бібліятэцы адбылася II Міжнародная навукова-практычная канферэнцыя “Віцебскі край”, прысвечаная 385-годдзю выхаду з друку “Букваря” Спірыдона Собаля.
Арганізатары канферэнцыі – ДУ “Віцебская абласная бібліятэка імя У.І. Леніна”, УА “Віцебскі дзяржаўны ўніверсітэт імя П.М. Машэрава” (кафедра гісторыі Беларусі), УК “Віцебскі абласны краязнаўчы музей”.
На пленарным пасяджэнні канферэнцыі прагучалі даклады:
“Два спісы Кнігі прывілеяў Віцебска з Бібліятэкі Акадэміі навук Літвы” (Аляксандр Барысавіч Доўнар, загадчык аддзела археаграфіі і крыніцазнаўства Інстытута гісторыі НАН Беларусі, к. г. н.),
“Пытанне пра дату заснавання Віцебска ў гістарыяграфіі (другая палова XVIII – пачатак ХХІ ст.)” (Анатоль Мікалаевіч Дулаў, загадчык кафедры гісторыі Беларусі ВДУ імя П.М. Машэрава, к. г. н., дацэнт),
“Восстановление разрушенных культовых объектов Витебска: история и перспективы” (Юрчак Дзяніс Валер’евіч, галоўны спецыяліст галоўнага ўпраўлення ідэалагічнай работы, культуры і па справах моладзі Віцебскага аблвыканкама, к. г. н.),
“Кутеинская лавра – духовно-просветительский центр в XVII веке” (Галіна Андрэеўна Юркевіч, бібліятэкар бібліятэкі Свята-Богаяўленскага Куцеінскага мужчынскага манастыра).
Супрацоўнікі Нацыянальнай бібліятэкі Беларусі прынялі ўдзел у секцыйных пасяджэннях канферэнцыі з дакладамі:
“Железнодорожное строительство в военном городке Боровка Лепельского района: неизвестные страницы истории” (Андрэй Леанідавіч Бараноўскі, галоўны бібліёграф НДА бібліяграфіі),
“Праектная дзейнасць як сродак захавання і папулярызацыі кніжнай спадчыны” (Кацярына Аляксандраўна Лапотка, вядучы метадыст сектара навукова-праектнай работы НДА кнігазнаўства),
“Серыі заняткаў праекта «У госці да кніг»: інавацыі і вынікі рэалізацыі” (Таццяна Андрэеўна Сапега, загадчык сектара навукова-праектнай работы НДА кнігазнаўства).