5–6 чэрвеня ў Смаленску адбудзецца навукова-практычная канферэнцыя “Сядзібы Смаленшчыны і Беларусі, іх уладальнікі і насельнікі. Музыка. Архітэктура. Садова-паркавае мастацтва”.
Арганізатарамі канферэнцыі выступяць Смаленскае абласное краязнаўчае таварыства – смаленскае аддзяленне Саюза краязнаўцаў Расіі і Смаленская абласная ўніверсальная бібліятэка імя А.Т. Твардоўскага.
Канферэнцыя пройдзе пры падтрымцы Адміністрацыі Смаленскай вобласці, Дэпартамента Смаленскай вобласці па культуры і турызме, Грамадскай палаты Смаленскай вобласці, аддзялення Пасольства Рэспублікі Беларусь у Расійскай Федэрацыі ў г. Смаленску.
У рамках канферэнцыі плануецца разгляд пытанняў гісторыі сядзібнай культуры Смаленшчыны і Беларусі, сядзібнай спадчыны ў архівах, бібліятэках, музеях і прыватных зборах, асаблівасцей садова-паркавага мастацтва і музыкі ў сядзібах, абмеркаванне гісторыка-архітэктурных праблем захавання рускай і беларускай сядзібнай спадчыны, а таксама некаторыя іншыя тэматычныя пытанні.
5 чэрвеня адбудзецца пасяджэнне ў Смаленскай абласной універсальнай бібліятэцы імя А.Т. Твардоўскага, на 6 чэрвеня запланавана наведванне Музея-сядзібы М.І. Глінкі ў Наваспаскім, музея “Церамок” у Флёнаве кн. Ценішавых, сядзібы У.Н. Дабравольскага ў Данькаве.