ГалоўнаяНавіныНавіны Нацыянальнай бібліятэкі Беларусі
Цырымонія перадачы кніг у дар Венесуэле
Запрашаем аўтараў да супрацоўніцтва

Калядны дабрачынны баль кнігі

Калядны дабрачынны баль кнігі
Іншыя навіны

12 снежня ў Нацыянальнай бібліятэцы Беларусі адбыўся Калядны дабрачынны баль кнігі і аўкцыён кнігі, арганізаваныя Міністэрствам інфармацыі Рэспублікі Беларусь.


Дабрачынныя мерапрыемствы прайшлі ў рамках традыцыйнай у рэспубліцы навагодняй акцыі “Нашы дзеці”.

Адкрыла баль першы намеснік міністра інфармацыі Рэспублікі Беларусь Лілія Ананіч, падзякаваўшы ўсім прысутным ад імя Міністэрства інфармацыі за водгук і ўдзел у аўкцыёне. “Ідэя правядзення дабрачыннага ўрачыстага балю кнігі нарадзілася ў Год кнігі. Мы ўпэўнены, што кніга прыносіць дабро, а пад Новы год яшчэ і цуды. Летась атрыманыя на аўкцыёне грошы пайшлі на дапамогу выхаванцам Гарадзішчанскага дома-інтэрната”, – расказала яна.

Пасля ўрачыстых прывітанняў увазе ўдзельнікаў аўкцыёну быў прадстаўлены галоўны элемент любога балю – вальс, які выканалі запрошаныя артысты.

На таргі дабрачыннага аўкцыёну было выстаўлена 43 лоты. Варта адзначыць, што ў выніку з малатка сышло на адзін больш: апошні лот нечакана прапанаваў удзельнік аўкцыёну, аўтар лота пад назвай “Русская Атлантида”. Незапланаваны лот дабавіў у дабрачынны фонд аўкцыёну два мільёны шэсцьсот тысяч беларускіх рублёў. У цэлым жа ўдзельнікі падарылі дзецям больш за 50 мільёнаў беларускіх рублёў.

На аўкцыён былі выстаўлены рарытэтныя выданні, кнігі з аўтографамі аўтараў, аўдыякніжкі, а таксама некаторыя ўнікальныя выданні, якіх няма ў продажы. Так, сярод лотаў былі прадстаўлены факсіміле “Баркалабаўскага летапісу”, выданне, якое расказвае пра жыццё Ефрасінні Полацкай, кнігі пра Вялікую Айчынную вайну “Никогда не забудем”, “Наша Победа”, “Беларусь – Москва”, аўтарскія выданні Мікалая Чаргінца, Уладзіміра Пракапцова, Тамары Лісіцкай, дзецішчы выдавецтваў Беларускага экзархата, “Беларуская Энцыклапедыя імя П. Броўкі” і “Чатыры чвэрці”.

Музычныя паўзы запоўнілі лірычныя кампазіцыі ў выкананні сясцёр Алены і Нінэль Карповіч, Эдуарда Мартынюка, легендарнага беларускага вакальнага ансамбля “Чысты голас”, а таксама маленькіх артыстаў Цэнтра эстраднага мастацтва імя У. Мулявіна пад кіраўніцтвам С. Стацэнка.

   

Навіны

Пасяджэнне Савета бібліятэк Беларусі па інфармацыйным узаемадзеянні

17 Кас 2019

16 кастрычніка ў бібліятэцы ў рамках працы VI Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Знаёмства будучых бібліятэкараў са спадчынай Яўгена Хлябцэвіча

17 Кас 2019

У рамках супрацоўніцтва паміж Нацыянальнай бібліятэкай Беларусі і Беларускім дзяржаўным універсітэтам культуры і мастацтваў 15 і 16 кастрычніка адбылося сумеснае мерапрыемства.

Навіны Нацыянальнай бібліятэкі Беларусі

Імпрэза “Чyжыx дyмaк нe пepaкaзвaў, cвae мeў” у Дзяржаўным музеі гісторыі беларускай літаратуры

16 Кас 2019

15 кастрычніка адбылося мерапрыемства “Чyжыx дyмaк нe пepaкaзвaў, cвae мeў”, прымеркаванае да 120-годдзя з дня нараджэння Адама Бабарэкі (14.10.1899–10.10.1938).

Навіны Нацыянальнай бібліятэкі Беларусі

ААН для міру і развіцця

17 Кас 2019

З 17 кастрычніка па 19 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і развіцця”, прысвечаная Дню Арганізацыі Аб’яднаных Нацый.

Кніжныя выстаўкі

111