4 красавіка адбудзецца ўрачыстае адкрыццё выстаўкі твораў сучасных беларускіх мастакоў з карпаратыўнага збору ААТ “Белінвестбанк”.
У гонар 25-гадовага юбілею Белінвестбанк прапануе шырокаму кругу гледачоў пазнаёміцца са сваёй карпаратыўнай калекцыяй жывапісу. Усяго збор твораў мастацтва змяшчае каля ста работ, напісаных у 1990-я гады, сярод якіх – жывапіс, графіка, акварэль.
Аўтарамі карцін з’яўляюцца выдатныя майстры, члены Беларускага саюза мастакоў – У. Тоўсцік, М. Басалыга, С. Давыдовіч, Я. Батальёнак, В. Барабанцаў, В. Ціханаў, Л. Карнеева, А. Кокцеў, Ф. Кісялёў, С. Бойка.
На выстаўцы будуць прадстаўлены каля 45 работ, выкананых у розных стылях і тэхніках, сучасных беларускіх мастакоў. Карціны з’яўляюцца культурным здабыткам Рэспублікі Беларусь і дэманструюць своеасаблівы зрэз развіцця выяўленчага мастацтва пачатку 1990-х гадоў.
Пачатак мерапрыемства а 16-й гадзіне ў галерэі “Ракурс” (2-гі паверх, пам. 256).Тэлефоны для даведак: (8 017) 293 28 23, 293 27 56, 266 37 37.
Е-mail: pr@nlb.by
