24 чэрвеня Нацыянальная бібліятэка Беларусі сумесна з бібліятэкамі вышэйшых навучальных устаноў краіны правяла інтэрнэт-канферэнцыю “Карпаратыўная база даных «Вучоныя Беларусі»: пытанні супрацоўніцтва і перспектывы развіцця”.
Было арганізавана 6 анлайн-пляцовак: у Магілёўскім дзяржаўным універсітэце імя А. Куляшова, Гродзенскім дзяржаўным універсітэце імя Я. Купалы, Віцебскім дзяржаўным ордэна Дружбы народаў медыцынскім універсітэце, Гомельскім дзяржаўным універсітэце імя Ф. Скарыны, Баранавіцкім дзяржаўным універсітэце і Нацыянальнай бібліятэцы Беларусі.
У інтэрнэт-канферэнцыі прынялі ўдзел звыш 60 прадстаўнікоў з 34 бібліятэк Беларусі.
Спецыялісты бібліятэк абмеркавалі асаблівасці вядзення і арганізацыі карпаратыўнай базы даных "Вучоныя Беларусі", разгледзелі прапановы па ўдасканаленні методыкі работы, прааналізавалі тыповыя памылкі пры запаўненні анкет і стварэнні запісаў, падзяліліся вопытам работы з прафесарска-выкладчыцкім саставам ВНУ па зборы і апрацоўцы персанальных даных.
Удзельнікам мерапрыемства была прадстаўлена інфармацыя пра пошукавыя магчымасці базы даных, пра збор статыстычных даных, прапанаваны дадатковыя варыянты супрацоўніцтва.
 |
 |
 |
 |
 |
