У сакавіку 2010 г. у рамках рэкламнага тура ў Пасольстве Рэспублікі Беларусь у Французскай Рэспубліцы дэманстравалася фотавыстаўка “Нацыянальная бібліятэка Беларусі”.
Серыя фотаздымкаў змяшчае 25 работ вядучых фотамастакоў Беларусі, сярод якіх такія вядомыя імёны, як Анатоль Дрыбас, Лолій Македонскі, Аляксандр Жарнасек, Віктар Суглоб, Валерый Харчанка і інш. Іх работы ў яркай мастацкай форме прадставілі галоўную бібліятэку краіны ў самых выразных і значных яе фрагментах, раскрылі арыгінальныя рашэнні яе інтэр’ераў, новыя тэхналогіі ў абслугоўванні, пазнаёмілі з творамі жывапісу і прыкладнога мастацтва.
Фотавыстаўка “Нацыянальная бібліятэка Беларусі” будзе доўжыць тур па гарадах Еўропы і ўжо ў красавіку 2010 г. будзе прадстаўлена ў Нідэрландах.
 |
 |
 |
