14 верасня ў Нацыянальнай бібліятэцы Беларусі адбыўся семінар-прэзентацыя “Электронныя інфармацыйныя рэсурсы для бібліятэк Беларусі. Новыя магчымасці эфектыўнага выкарыстання”.
Мерапрыемства арганізавана Нацыянальнай бібліятэкай Беларусі і ЗАТ “КОНЭК” (Расійская Федэрацыя) пры садзейнічанні Савета бібліятэк Беларусі па інфармацыйным узаемадзеянні.
На семінары разглядаліся пытанні доступу нацыянальнага навуковага таварыства Рэспублікі Беларусь да баз даных кампаній Emerald Group Publishing Ltd, ProQuest, электроннай бібліятэкі OECD, электронных рэсурсаў выдавецтваў Springer, Cambridge University Press, Oxford University Press.
У мерапрыемстве ўзялі ўдзел больш за 80 чалавек: спецыялісты бібліятэк Беларусі, навуковыя работнікі, выкладчыкі і студэнты вышэйшых навучальных устаноў.
