13 верасня ў Нацыянальнай бібліятэцы прайшоў семінар-трэнінг для аўтараў навуковых публікацый “Emerald для аўтараў: як апублікаваць свой артыкул у замежным навуковым часопісе”.
Мерапрыемства арганізавана Нацыянальнай бібліятэкай Беларусі сумесна з ЗАТ “КОНЭК” і кампаніяй Emerald Group Publishing Ltd. У працы семінара-трэнінгу ўзялі ўдзел больш за 50 чалавек: аспіранты і магістранты, вучоныя навукова-даследчых устаноў, выкладчыкі вышэйшых навучальных устаноў, спецыялісты бібліятэк.
З паведамленнямі на семінары выступілі: рэгіянальны прадстаўнік кампаніі Emerald Group Publishing Ltd у краінах Усходняй Еўропы, Расіі і СНД Марцін Дэмбоўскі, кіраўнік аддзела электронных рэсурсаў ЗАТ “КОНЭК” Алена Яроніна, загадчыца сектара Нацыянальнай бібліятэкі Беларусі Яўгенія Галіеўская.
Слухачы семінара былі азнаёмлены з інфармацыяй для аўтараў навуковых артыкулаў, размешчанай на сайтах сусветных выдавецтваў; атрымалі тлумачэнні па стандартах і патрабаваннях, якія прад'яўляюцца да навуковых публікацый, па парадку прыёму навуковых работ да публікацыі.
У рамках семінара таксама адбылася прэзентацыя электронных рэсурсаў Нацыянальнай бібліятэкі Беларусі ў галіне навуковай інфармацыі.
