7 чэрвеня для супрацоўнікаў Нацыянальнай бібліятэкі Беларусі адбыўся семінар-прэзентацыя прафесійнай даведачнай сістэмы “Тэхэксперт”.
Нарматыўна-тэхнічная інфармацыя з’яўляецца важным інструментам дзейнасці любой арганізацыі. Веданне стандартаў, правіл і норм дапамагае ўдасканальваць якасць прадуктаў і паслуг, а таксама рабіць гэта бяспечна і эканамічна.
Электронная даведачная сістэма “Тэхэксперт” уключае ў сябе падборкі нарматыўна-тэхнічных дакументаў і даведачнай інфармацыі, спецыялізаваныя анлайн-выданні, міжнародныя і замежныя стандарты, інфармацыйныя бюлетэні “Техэксперт” і “Загляни в Кодекс” і інш.
Прадстаўнікі кампаніі “Экспертцэнтр” азнаёмілі ўдзельнікаў з асаблівасцямі і перавагамі выкарыстання сістэмы. Супрацоўнікі бібліятэкі змаглі на практыцы пазнаёміцца з метадамі і спосабамі працы з кантэнтам рэсурсу, а таксама яго пошукавымі і функцыянальнымі магчымасцямі.
Нагадваем чытачам Нацыянальнай бібліятэкі, што ў зале прававой інфармацыі адкрыты доступ да цэлага шэрагу электронных рэсурсаў, якія змяшчаюць актуальную прававую інфармацыю.
Запрашаем у нашы чытальныя залы!
Матэрыял пададзены аддзелам карпаратыўнага ўзаемадзеяння.