1 чэрвеня, у Міжнародны дзень абароны дзяцей, для навучэнцаў Мінска стала добрай традыцыяй наведваць Нацыянальную бібліятэку Беларусі.
Сёлета для дзяцей была праведзена экскурсія “Беларусь мая сінявокая”, падчас якой яны пазнаёміліся з будынкам бібліятэкі і загадалі жаданне ля фантана ў атрыуме першага паверха, самастойна знайшлі ў каталогу свае любімыя выданні і з дапамогай QR-кодаў змаглі дакрануцца да гісторыі нашай краіны
Напрыканцы экскурсіі яны падняліся на аглядную пляцоўку, адкуль палюбаваліся Мінскам з вышыні птушынага палёту і сфатаграфаваліся ў святочнай фотазоне.
Спадзяёмся, што памятны дзень стаў для школьнікаў сапраўды святочным.
Будзем рады бачыць нашых экскурсантаў у бібліятэцы яшчэ не раз!
Матэрыял пададзены аддзелам экскурсійна-метадычнай работы.
