31 мая ў Расійскім цэнтры навукі і культуры ў г. Хельсінкі адбылася прэзентацыя выставачнага праекта, прымеркаванага да Дня славянскага пісьменства і культуры.
Праект падрыхтаваны Пасольствам Рэспублікі Беларусь у Фінляндскай Рэспубліцы сумесна з Дзяржаўным музеем гісторыі беларускай літаратуры і Нацыянальнай бібліятэкай Беларусі.
Матэрыялы, прадстаўленыя ў экспазіцыі, апавядаюць пра гісторыю кнігадрукавання ў Беларусі, а таксама пра спадчыну святых Кірыла і Мяфодзія і ролю, якую яны адыгралі ў развіцці славянскай культуры.
З прывітальным словам да гасцей звярнуўся Надзвычайны і Паўнамоцны Пасол Рэспублікі Беларусь у Фінляндскай Рэспубліцы і Каралеўстве Данія Аляксей Самасуеў. У сваім выступленні ён падкрэсліў важнасць захавання роднай мовы – духоўнага здабытку нашых народаў, які жыве ўнутры кожнага з нас.
У мерапрыемстве таксама ўзялі ўдзел Надзвычайны і Паўнамоцны Пасол Расійскай Федэрацыі ў Фінляндскай Рэспубліцы Павел Кузняцоў, прадстаўнікі Расійскага цэнтра навукі і культуры ў г. Хельсінкі, суайчыннікі, якія пражываюць у Фінляндыі.
Матэрыял пададзены аддзелам сувязей з грамадскасцю.