22 лістапада дзіцячы пакой запрашае дзяцей на творчыя заняткі з цыкла “Нетрадыцыйныя спосабы выяўлення” для стварэння аплікацыі “Жар-птушка” з восеньскага лісця і кветак.
Маленькія ўдзельнікі заняткаў атрымаюць задавальненне ад працы з арыгінальным матэрыялам для аплікацыі – засушаным лісцем і кветкамі, удасканаляць навыкі стварэння творчых кампазіцый. Прыродны матэрыял стане добрым памочнікам для развіцця творчай актыўнасці, уяўлення, вобразнага мыслення і дробнай маторыкі рук.
Падчас мерапрыемства будуць арганізаваны тэматычныя рухавыя гульні, прагляд мультфільмаў. Заняткі праводзяцца бясплатна. Усе мастацкія матэрыялы хлопчыкам і дзяўчынкам будуць выдадзены.
Запрашаюцца дзеці 5–8 гадоў.
Час правядзення заняткаў: 18.00–19.30.