Урадам Масквы ў дарунак Нацыянальнай бібліятэцы Беларусі было перададзена 2 500 экзэмпляраў кніг для наступнага размеркавання па бібліятэках рэспублікі.
Несумненна, усе яны знойдуць сваіх удзячных чытачоў!
У Нацыянальнай бібліятэцы Беларусі арганізавана кніжная выстаўка, на якой экспануецца звыш 200 найменняў падораных выданняў. Гэта кнігі па рускім мастацтве, гісторыі, культуры і рэлігіі, па гісторыі Вялікай Айчыннай вайны 1941 - 1945 гг., мастацкая літаратура, кнігі для дзяцей, а таксама шматлікія выданні, прысвечаныя г. Маскве.
Для бібліятэчных работнікаў і краязнаўцаў асобую цікавасць уяўляе кніга заслужанага работніка культуры Расійскай Федэрацыі А.У. Пяскова, якая апавядае аб жыцці аднаго з выдатных рускіх бібліятэказнаўцаў А.А. Пакроўскага і аб шматгадовай працы яго "тварэння" - Цэнтральнай гарадской публічнай бібліятэкі імя М.А. Някрасава, заснаванай ім у 1919 годзе.
Выстаўка размешчана на 3-м паверсе кальцавога калідора.
Кантактны тэлефон: 293-28-86.