З мэтай павышэння бяспекі дарожнага руху і папярэджання дарожна-транспартных здарэнняў з 7 па 17 снежня Дзяржаўтаінспекцыя праводзіць комплекс мерапрыемстваў па прафілактыцы аварыйнасці “Пешаход!”.
Асаблівую ўвагу супрацоўнікі ДАІ надаюць спыненню парушэнняў правілаў дарожнага руху (ПДР) пешаходамі і кіроўцамі транспартных сродкаў, а таксама захаванню аўтаўладальнікамі патрабаванняў заканадаўства аб выкарыстанні зімовых шын.
Дзяржаўтаінспекцыя заклікае аўтамабілістаў праяўляць на дарогах максімум асцярожнасці, а пешаходаў – пазначаць сябе святлоадбівальнымі элементамі, і нагадвае ўсім удзельнікам дарожнага руху аб няўхільным выкананні ПДР. Уважлівасць на дарогах – залог бяспечнага ўдзелу ў дарожным руху!
Больш інфармацыі можна даведацца на сайце Адміністрацыі Першамайскага раёна г. Мінска.