Для публікацыі вашай работы (артыкулы, аўтарэферата дысертацыі, дысертацыі, кнігі) згодна з сучасным стандартам абавязковым элементам выхадных звестак з’яўляецца ўказанне індэксаў УДК (індэксаў ББК, рубрык ДРНТІ і аўтарскага знака).
Якаснае афармленне гэтых элементаў у дакуменце забяспечвае дакладнае месца вашай публікацыі сярод іншых зафіксаваных вынікаў інтэлектуальнай дзейнасці, у тым ліку ў сусветнай інфармацыйнай прасторы. Наяўнасць гэтых даных у дакуменце – аснова сістэматызацыі назапашаных чалавецтвам ведаў у бібліятэках, базах даных, іншых інфармацыйных рэсурсах.
Нацыянальная бібліятэка Беларусі – навукова-метадычны і каардынацыйны цэнтр у галіне бібліятэчнай справы, у тым ліку ў частцы дзейнасці па сэнсавай апрацоўцы дакументаў – індэксаванні публікацый у адпаведнасці з дзеючымі класіфікацыямі. Высокакваліфікаваныя спецыялісты бібліятэкі гатовы выканаць якаснае афармленне індэксаў УДК, ББК, рубрык ДРНТІ і аўтарскага знака для вашай работы.
Прапанаваная паслуга ажыццяўляецца згодна з прэйскурантам платных паслуг у індывідуальным парадку анлайн або непасрэдна ў бібліятэцы. Выдавецтвы і арганізацыі-выдаўцы маюць магчымасць заключэння дагавора для аказання платнай паслугі “Індэксаванне дакументаў”.
Шэраг устаноў вышэйшай адукацыі, выдавецтва, а таксама фізічныя асобы ўжо ацанілі перавагі супрацоўніцтва з Нацыянальнай бібліятэкай Беларусі і з’яўляюцца яе даўнімі партнёрамі.
Матэрыял пададзены аддзелам індэксавання дакументаў і аўтарытэтнага кантролю.
