4 і 5 чэрвеня ў канферэнц-зале бібліятэкі прайшоў музычны спектакль “Казка пра нечысць цудоўную і Васілісу жахлівую” ў рамках культурна-асветніцкай праграмы “Пазнанне. Натхненне. Творчасць”.
Яркая, смешная і інтрыгуючая гісторыя па матывах рускіх казак не пакінула раўнадушным ні аднаго юнага гледача: здзіўленне і радасць, хваляванне і перажыванне, звонкі смех і бурныя воклічы – вось палітра эмоцый, якая дала высокую ацэнку артыстам.
Ужо не адзін год у дні канікул у праграме “Пазнанне. Натхненне. Творчасць” удзельнічаюць вядучыя творчыя калектывы, якія радуюць сваімі арыгінальнымі нумарамі малышэй з мінскіх школьных аздараўленчых лагераў.
У спектаклі “Казка пра нечысць цудоўную і Васілісу жахлівую” ігралі артысты музычнай капэлы “Санорус”, удастоеныя звання “Заслужаны калектыў Рэспублікі Беларусь”.
Дзякуючы працы супрацоўнікаў аддзела культурна-відовішчнай дзейнасці мерапрыемствы атрымліваюцца відовішчнымі, насычанымі і падабаюцца дзецям.
Калі вам не ўдалося трапіць да нас у гэты раз – не бяда!
Чакаем вас у новым навучальным годзе. Да сустрэчы!
Матэрыял прадастаўлены аддзелам сувязей з грамадскасцю.