9 чэрвеня ў Нацыянальнай бібліятэцы Беларусі адбылося пасяджэнне журы конкурсу “Бібліятэка – цэнтр духоўна-маральнай асветы і выхавання”.
У склад журы ўвайшлі: епіскап Барысаўскі і Мар’інагорскі Веніямін (старшыня журы), дырэктар Нацыянальнай бібліятэкі Беларусі (НББ) Р.С. Матульскі (намеснік старшыні журы), заг. сектара маніторынгу і каардынацыі дзейнасці бібліятэк НДА бібліятэказнаўства НББ В.А. Рынкевіч (сакратар журы), галоўны спецыяліст упраўлення агульнай і сярэдняй адукацыі Міністэрства адукацыі Рэспублікі Беларусь І.У. Булаўкіна, галоўны спецыяліст упраўлення ўстаноў культуры і народнай творчасці Міністэрства культуры Рэспублікі Беларусь С.У. Бацян, сакратар Выдавецкага савета Беларускай праваслаўнай царквы Т.А. Самайлюк, загадчыца Цэнтральнай бібліятэкі Беларускага экзархата С.Ф. Вінаградава і член рабочай групы па развіцці бібліятэчнай сеткі Выдавецкага савета Беларускай праваслаўнай царквы Т.А. Квасава.
Падчас пасяджэнняў членамі журы былі прагледжаны конкурсныя работы, адабраны найбольш адпаведныя крытэрыям, указаным у інструкцыі, і вылучаны лепшыя па наступных намінацыях:
- “Сям’я – спадчынніца маральных і духоўных каштоўнасцей”;
- “Патрыятычнае выхаванне на праваслаўных традыцыях”;
- “Духоўна-маральнае выхаванне дзяцей і моладзі”;
- “Гісторыя Праваслаўя роднага краю”.
У працэсе работы членамі журы конкурсу былі выказаны прапановы па наступным удасканаленні крытэрыяў ацэнкі прапанаваных для конкурсу праектаў, працэдуры адбору конкурсных работ і арганізацыі ўрачыстага ўзнагароджання пераможцаў.
Пасля падпісання пратаколу пасяджэння ўсімі членамі журы і зацвярджэнні яго мітрапалітам Мінскім і Заслаўскім Паўлам, Патрыяршым Экзархам усяе Беларусі, інфармацыя пра пераможцаў будзе выстаўлена на афіцыйным сайце Беларускай праваслаўнай царквы, інтэрнэт-партале НББ і сайце “Праваслаўныя бібліятэкі Беларусі”.
Цырымонія ўзнагароджання пераможцаў конкурсу “Бібліятэка – цэнтр духоўна-маральнай асветы і выхавання” адбудзецца ў Нацыянальнай бібліятэцы Беларусі падчас работы міжнароднага кангрэса “Бібліятэка як феномен культуры”, правядзенне якога плануецца 21–23 кастрычніка 2015 г.