ГалоўнаяНавіныНавіны Нацыянальнай бібліятэкі Беларусі
Культурныя цэнтры Украіны папоўніліся кніжнай спадчынай Францыска Скарыны
Навагодняя экскурсія для вялікай сям'і

Без пяці – стагоддзе: юбілей часопіса “Полымя”

Без пяці – стагоддзе: юбілей часопіса “Полымя”
Іншыя навіны

22 снежня ў бібліятэцы адбыўся круглы стол “Літаратурна-мастацкае выданне ў сістэме культурных каардынат”.


Амаль цэлае стагоддзе часопіс “Полымя” сагравае сэрцы аматараў айчыннай і сусветнай літаратуры. Сёлета ён адзначае сваё 95-годдзе!

У стварэнні найстарэйшага беларускага літаратурна-мастацкага выдання прымалі непасрэдны ўдзел народныя пісьменнікі Янка Купала і Якуб Колас. Увогуле гісторыя часопіса – гэта гісторыя беларускай літаратуры і яе лепшых узораў. У выданні друкавалі свае творы Цішка Гартны, Іван Мележ, Аркадзь Куляшоў, Максім Танк, Кандрат Крапіва, Васіль Быкаў, Іван Шамякін, Іван Навуменка, Рыгор Барадулін, Уладзімір Караткевіч і іншыя волаты беларускага слова.

Менавіта на старонках “Полымя” чытачы ўпершыню пазнаёміліся з раманамі “Людзі на балоце” Івана Мележа, “Птушкі і гнёзды” Янкі Брыля, “Каласы пад сярпом тваім” Уладзіміра Караткевіча, “Сэрца на далоні” Івана Шамякіна, “Чужая бацькаўшчына” Вячаслава Адамчыка і шматлікімі іншымі творамі, якія даўно сталі класікай беларускай літаратуры. Сёння выданне люструе сучасны літаратурны працэс Беларусі, здзяйсняе лепшыя пераклады твораў замежнай літаратуры – рускай, нямецкай, эквадорскай, казахскай, сербскай і інш.

У мерапрыемстве прынялі ўдзел прадстаўнікі Адміністрацыі Прэзідэнта Рэспублікі Беларусь, Савета Міністраў, Міністэрства інфармацыі, Выдавецкага дома “Звязда”, а таксама вядучыя беларускія вучоныя, паэты, празаікі.

Урачыстасць пасяджэнню надалі словы віншавання, адрасаваныя рэдакцыі часопіса ад Прэзідэнта Рэспублікі Беларусь Аляксандра Лукашэнкі і Прывітальны адрас Савета Міністраў Рэспублікі Беларусь.

За добрасумленную плённую працу па рэалізацыі дзяржаўнай інфармацыйнай палітыкі, значны ўклад у развіццё і прапаганду беларускай літаратуры супрацоўнікам часопіса “Полымя” была аб’яўлена падзяка міністра інфармацыі Рэспублікі Беларусь і ўручаны ганаровыя граматы.

Шчыра віншуем з юбілеем і жадаем творчага натхнення, новых прыхільнікаў, дабрабыту і моцнага здароўя!

Навіны

2 Ліп 2020

Творчасць Валянціны Паліканінай даўно заўважана не толькі айчыннымі літаратарамі, але і замежнымі. Зрэшты, дзейнасць паэтэсы, публіцыста, перакладчыцы не абмяжоўваецца толькі літаратурай. Пасля аддзела культуры часопіса «Беларусь» яна працягвае журналісцкую працу ў часопісе «Гаспадыня». Нядаўна стала вядома, што Валянціна Паліканіна – у ліку іншых дзечаў культуры, якія неўзабаве атрымаюць медаль Францыска Скарыны.

Навіны бібліятэк

1 Ліп 2020

Папулярызацыя беларускай мовы і беларускай кнігі – справа вельмі шматгранная, і поспех залежыць ад мноства фактараў і многіх людзей. Адным з найбольш камерцыйна ўдалых кірункаў гэтай не надта масавай і, адпаведна, не надта выгаднай справы з’яўляюцца пераклады сусветнай літаратуры на беларускую мову.

Навіны бібліятэк

Гайд у дапамогу журналісту

30 Чэр 2020

Нацыянальная бібліятэка дае магчымасці для даследчай працы не толькі ў навуковых мэтах, але і журналісцкіх. Расказваем, што і дзе шукаць, калі вы пішаце артыкул для СМІ.

Аўтарскі погляд

Янка Брыль: “Калі далёка ад дому, вельмі хораша бачыцца на планеце сваё роднае”

30 Чэр 2020

Нацыянальная бібліятэка Беларусі аказвае падтрымку аб’яднанням беларускай дыяспары ў замежных краінах у рамках дабрачыннай акцыі “Пра Беларусь – беларусам замежжа”.

Навіны Нацыянальнай бібліятэкі Беларусі

30 Чэр 2020

"Калі я чытаю кнігу, мне здаецца, што яна жывая і гутарыць са мной".
Знаёмае адчуванне — ці не так?
Значыць, знаёмае і жаданне напісаць (гэта, мусіць, некалі?) аўтару, пазваніць, падзякаваць...
Што ён? За іншых не скажу, бо не ведаю, а пісьменніца Лідзія Арабей мой маналог спыніла кароткім: "Вам спадабалася?.. То прыходзьце, я падпішу вам кнігу".
З таго першага прыходу да апошняга было амаль дзевяць гадоў, безліч сустрэч... І сёння, у яе (светлай памяці!) 95, грэх хоць штосьці не ўспомніць.

Навіны бібліятэк

27 Чэр 2020

Раман Мiкалая Гогаля быў неаднаразова экранiзаваны. Прычым упершыню – яшчэ ў 1909 годзе. На гэты раз на шэдэўр пiсьменнiка замахнуўся расiйскi рэжысёр Рыгор Канстанцiнопальскi, якi летась экранiзаваў «Навальнiцу» Аляксандра Астроўскага.

Навіны бібліятэк

111