ГалоўнаяНавіныНавіны Нацыянальнай бібліятэкі Беларусі
9 самых незвычайных бібліятэк свету. У тым ліку Мінская
Сустрэчы з адвакатам

Асаблівасці арганізацыі навучальнага працэсу: у бібліятэцы прайшла метадычная секцыя настаўнікаў беларускай мовы і літаратуры

Асаблівасці арганізацыі навучальнага працэсу: у бібліятэцы прайшла метадычная секцыя настаўнікаў беларускай мовы і літаратуры
Іншыя навіны

23 жніўня ў бібліятэцы адбылася жнівеньская гарадская метадычная секцыя настаўнікаў беларускай мовы і літаратуры ўстаноў агульнай сярэдняй адукацыі г. Мінска “Асаблівасці арганізацыі адукацыйнага працэсу па вучэбных прадметах «Беларуская мова» і «Беларуская літаратура» ў 2019–2020 навучальным годзе”.

Арганізатарамі выступілі камітэт па адукацыі Мінгарвыканкама, Мінскі гарадскі інстытут развіцця адукацыі, Цэнтр аналітычнага менеджменту рэгіянальнай адукацыі, Упраўленне каардынацыі метадычнай работы, Нацыянальная бібліятэка Беларусі.

У рабоце секцыі прынялі ўдзел настаўнікі беларускай мовы і літаратуры ўстаноў агульнай сярэдняй адукацыі г. Мінска, спецыялісты Нацыянальнага інстытута адукацыі Міністэрства адукацыі Рэспублікі Беларусь, метадысты Мінскага гарадскога інстытута развіцця адукацыі.

Да ўдзельнікаў метадычнай секцыі звярнуўся з прывітаннем намеснік дырэктара па навуковай рабоце і выдавецкай дзейнасці Нацыянальнай бібліятэкі Аляксандр Суша.

У мэтах пашырэння супрацоўніцтва і азнаямлення з магчымасцямі і рэсурсамі Нацыянальнай бібліятэкі з дакладамі выступілі яе супрацоўнікі. Людміла Камароўская, загадчыца аддзела экскурсійна-метадычнай работы, расказала аб экскурсійнай дзейнасці Нацыянальнай бібліятэкі і аб цыкле вучэбна-пазнавальных экскурсій “Славутыя імёны Бацькаўшчыны”, прысвечаных жыццю і творчасці Францыска Скарыны, Янкі Купалы, Якуба Коласа, Янкі Маўра, Максіма Багдановіча, Кандрата Крапівы, Міхася Зарэцкага, Марка Шагала.

Загадчыца аддзела даведачна-інфармацыйнага абслугоўвання Алена Тулупава прадставіла віртуальныя сэрвісы бібліятэкі ў дапамогу адукацыйнаму працэсу. Таццяна Хадасевіч, загадчыца аддзела абслугоўвання спецыялізаванымі фондамі, азнаёміла ўдзельнікаў секцыі з віртуальнымі праектамі бібліятэкі, якія можна выкарыстоўваць у вучэбнай дзейнасці. З экспазіцыямі музея кнігі пазнаёміла Таццяна Захарава, загадчыца сектара навукова-даследчага аддзела кнігазнаўства. Віртуальны праект “Станіслаў Манюшка. Музычны рамантык з Міншчыны” прадставіла Юлія Амосава, вядучы бібліёграф інфармацыйна-аналітычнага аддзела.

Секцыя прайшла плённа і насычана, удзельнікі змаглі ўсталяваць прафесійныя і асабістыя кантакты ў працэсе актыўнага ўзаемадзеяння.

Матэрыял прадастаўлены аддзелам сувязей з грамадскасцю.

Навіны

Кнігі з асабістай калекцыі Прэзідэнта Рэспублікі Беларусь Аляксандра Лукашэнкі перададзены ў фонды Нацыянальнай бібліятэкі Беларусі

9 Сне 2019

Гэта 76 сучасных выданняў, прысвечаных гісторыі, культуры, адукацыі, навуцы і спорту краін – суседзяў, партнёраў нашай краіны на міжнароднай арэне.

Навіны Нацыянальнай бібліятэкі Беларусі

Тэставы доступ да калекцыі Duke University Press

9 Сне 2019

Карыстальнікам Нацыянальнай бібліятэкі і яе партнёрам па віртуальнай чытальнай зале прадастаўлена магчымасць тэставага доступу да электроннай калекцыі навуковых часопісаў па літаратуры, культуралогіі, сацыялогіі, палітыцы, гісторыі і кніжнай калекцыі выдавецтва Duke University Press, у якую ўваходзяць больш за 2,5 тыс. найменняў перыядычных выданняў.

Навіны Нацыянальнай бібліятэкі Беларусі

Кітабы – унікальныя помнікі рукапіснай кніжнасці

9 Сне 2019

4 снежня адбыліся чарговыя заняткі ў межах семінара-практыкуму “Кітабы – унікальныя помнікі рукапіснай кніжнасці”. Сустрэча была прысвечаная гісторыі вывучэння кітабаў. Кітабамі называюць рукапісныя кнігі, якія ствараліся на працягу стагоддзяў прадстаўнікамі адной з этнаканфесійных груп Беларусі – беларускімі татарамі.

Навіны Нацыянальнай бібліятэкі Беларусі

Падведзены вынікі працы сістэмы карпаратыўнай каталагізацыі бібліятэк Беларусі за 2019 г.

6 Сне 2019

5 снежня на базе Нацыянальнай бібліятэкі Беларусі адбылося пасяджэнне Тэхналагічнага камітэта сістэмы карпаратыўнай каталагізацы бібліятэк Беларусі.

Навіны Нацыянальнай бібліятэкі Беларусі

Лекцыя аб сучасным беларускім канцэртна-выканальніцкім мастацтве

6 Сне 2019

5 снежня адбылася чарговая сустрэча ў межах цыкла “Беларуская музыка ў сусветнай мастацкай прасторы”. З сучасным беларускім канцэртна-выканальніцкім мастацтвам слухачоў пазнаёміла кандыдат мастацтвазнаўства, старшы навуковы супрацоўнік Інстытута мастацтвазнаўства, этнаграфіі і фальклору імя К. Крапівы Ірына Леанідаўна Гарбушына.

Навіны Нацыянальнай бібліятэкі Беларусі

6 Сне 2019

Да Рэгіянальнага зводнага каталога бібліятэк Брэсцкай вобласці далучыліся дзяржаўная ўстанова культуры “Маларыцкая раённая цэнтралізаваная бібліятэчная сістэма” і дзяржаўная ўстанова культуры “Жабінкаўская раённая цэнтралізаваная бібліятэчная сістэма”.

Навіны Нацыянальнай бібліятэкі Беларусі

111