У сваёй аўтарскай праграме “Суразмоўцы” пісьменнік і публіцыст Навум Гальпяровіч гутарыць з літаратуразнаўцам, крытыкам, празаікам, драматургам, эсэістам, казачнікам і аўтарам фэнтэзі Пятро Васючэнкам.
У размове вы пачуеце разважанні Пятра Васючэнкі пра полацкі менталітэт і беларускую літаратуру ў сусветным кантэксце. Думкі пра дзіцячую літаратуру і яе нацыянальнага казачнага героя. Каментарыі пра свой шлях ад студэнта да выкладчыка і пра кнігі для студэнтаў. Адказы на пытанні пра патрыятызм, родную мову і любімых пісьменнікаў.
Цытаты з гутаркі:
“Калі я пачынаю лекцыі па беларускай літаратуры, я заўсёды кажу пра тое, што яна пачуваецца як годная паміж годнымі еўрапейскімі літаратурамі”.“Дзіцячая літаратура павінна мадэрнізавацца, у нас павінен з’явіцца свой нацыянальны казачны герой”.
– Што для вас патрыятызм?
– Любоў да мовы, да Радзімы, да Полацка. Я полацкі патрыёт. І гэта яшчэ для мяне – ідэя роднага дома, любоў да літаратуры.
Вядомы беларускі літаратуразнаўца і пісьменнік Пятро Васючэнка памёр 25 жніўня 2019 года. Дата і месца развітання будуць вядомыя пазней.
Чытайце пра выстаўку "Даследчык і пісьменнік", падрыхтаваную Нацыянальнай бібліятэкай Беларусі да 60-годдзя П.В. Васючэнкі.
