25 верасня ў Нацыянальнай бібліятэцы Беларусі прайшоў Адзіны дзень бяспекі.
Для супрацоўнікаў былі праведзены трэніровачныя мерапрыемствы па эвакуацыі і на практыцы было адпрацавана выкарыстанне першасных сродкаў пажаратушэння.
Ратавальнікі Мінскага гарадскога ўпраўлення правялі тэматычную размову з калектывам бібліятэкі, нагадалі прычыны ўзнікнення пажару, нумары службаў выратавання і распавялі, як можна справіцца з надзвычайнай сітуацыяй самастойна ў побыце.
Удзельнікі мерапрыемства паглядзелі навучальныя фільмы, накіраваныя на развіццё культуры бяспечнай жыццядзейнасці, правілы паводзін ва ўмовах пажару, аварый, аказання першай медыцынскай дапамогі.
Адзіны дзень бяспекі праводзіцца ў Рэспубліцы Беларусь з 2018 года па ініцыятыве Дзяржаўнага сакратарыята Савета бяспекі. Галоўная задача рэспубліканскай акцыі – гэта папярэдзіць надзвычайныя сітуацыі, правапарушэнні і злачынствы, навучыць паводзінам ва ўмовах пажараў і іншых надзвычайных сітуацый, а таксама аказанню першай дапамогі.
Матэрыял пададзены аддзелам сувязей з грамадскасцю.