“Гануся, сардэнька, маё ты каханне”

Запрашаем на цыкл інтэрактыўных лекцый-канцэртаў “Нацыянальная музычная спадчына Беларусі”.

На інтэрактыўных лекцыях-канцэртах можна будзе пачуць музыку беларускіх кампазітараў у выкананні музычнай капэлы Цэнтра даследаванняў беларускай культуры, мовы і літаратуры НАН Беларусі і прыняць удзел у засваенні ўзораў нацыянальнай музычнай спадчыны, а таксама пазнаёміцца з вынікамі сучасных даследаванняў у галіне беларускага музычнага краязнаўства. Мультымедыйныя ілюстрацыі яскрава дапоўняць тэму лекцыі і выкананне твораў.

Арганізатары цыкла: музычная капэла Цэнтра даследаванняў беларускай культуры, мовы і літаратуры НАН Беларусі, аддзел музычна-выканальніцкага мастацтва Інстытута мастацтвазнаўства, этнаграфіі і фальклору, навукова-творчае аб'яднанне “Facultatis” Беларускага саюза музычных дзеячаў.

Мастацкі і навуковы кіраўнік праекта – кандыдат мастацтвазнаўства Галіна Паўлаўна Цмыг.

• 20 снежня – “На Раство Хрыстова анёл прыляцеў”
• 26 студзеня – “Зайграй жа мне, дударочку, а я патанцую”
• 23 лютага – “Ад прадзедаў спакон вякоў мне засталася спадчына”
• 30 сакавіка – “Прынашэнне Маці Божай”
• 27 красавіка – “Талака”
• 25 мая – “Музычная капэла”
• 28 верасня – “Гануся, сардэнька, маё ты каханне”
• 26 кастрычніка – “Перад вамі спяваем старадаўнім звычаем”
• 30 лістапада – “Музыка беларускай сядзібы”

28 верасня на лекцыі-канцэрце “Гануся, сардэнька, маё ты каханне” будзе паказана, як сучасныя беларускія кампазітары на аснове розных прыёмаў рэцэпцыі даюць “новае жыццё” нацыянальнай харавой спадчыне. Плануецца прэзентацыя новага жанру сучаснай музыкі – музычнага ілюзіёну. У слухачоў будзе магчымасць развучыць старадаўнія ўзоры нацыянальнай музыкі і пачуць іх апрацоўку ў творах сучасных кампазітараў.

Уваход вольны (пры наяўнасці чытацкага білета або пропуску сацыякультурнага цэнтра).

Тэлефон для даведак: (8 017) 293 27 52.