ГалоўнаяНавіныНавіны Нацыянальнай бібліятэкі Беларусі
Міжнародная міграцыя і развіццё
Цэнтр беларускай мовы, літаратуры і культуры адкрыўся ў МДУ

“Адкрыты ўрок” для курсантаў ліцэя МУС

“Адкрыты ўрок” для курсантаў ліцэя МУС
Іншыя навіны

15 снежня ў бібліятэцы адбылася акцыя перадачы кніг у дар Спецыялізаванаму ліцэю Міністэрства ўнутраных спраў Рэспублікі Беларусь.


Юных абаронцаў правапарадку вітаў Раман Матульскі, дырэктар Нацыянальнай бібліятэкі Беларусі, член грамадскага савета пры Міністэрстве ўнутраных спраў Рэспублікі Беларусь. Ён выказаў упэўненасць у тым, што, незалежна ад абранай у будучыні прафесіі і далейшага жыццёвага шляху, усе хлопцы стануць годнымі грамадзянамі нашай краіны.

“Наперадзе ў вас усё жыццё, якое будзе ставіць перад вамі няпростыя задачы. На жаль, далёка не заўсёды зразумела і відавочна, што ёсць чорнае, што ёсць белае, дзе дабро і дзе зло. Таму так важна сфарміраваць унутраны культурны імунітэт, спасцігаць духоўна-маральныя асновы, якія стануць арыенцірам і падказкай у цяжкай сітуацыі.

Спрадвеку для ўсяго чалавецтва галоўным зводам каштоўнасцей служаць дзесяць запаведзяў Божых. Яшчэ ў 1517 годзе наш зямляк першадрукар Францыск Скарына выдаў Біблію на старабеларускай мове, каб распаўсюдзіць гэтыя ісціны сярод нашага народа. Сёлета мы адзначаем знамянальная падзею – 500-годдзе беларускага кнігадрукавання. Дзіўна, што прапісаныя ў далёкія часы біблейскія духоўныя каштоўнасці застаюцца актуальнымі па сённяшні дзень і служаць асновай узаемаадносін паміж людзьмі ва ўсім свеце”, – адзначыў Раман Матульскі.

Пасля прывітання кіраўнік установы перадаў у фонд бібліятэкі Спецыялізаванага ліцэя МУС камплект літаратуры і ўручыў падарункавы каталог “Кніжная спадчына Беларусі”.

Дырэктар музея цэнтра культурна-выхаваўчай працы МУС маёр міліцыі Віялета Салодкая выказала словы падзякі за арганізацыю мерапрыемства і таксама ўручыла навучэнцам камплект кніг пра жыццё і гісторыю ўзброеных сіл Рэспублікі Беларусь і іншых дзяржаў.

Пасля завяршэння акцыі для навучэнцаў прайшла экскурсія па міжнароднай выстаўцы “Францыск Скарына і яго эпоха”, падчас якой яны пазнаёміліся з каштоўнымі рарытэтнымі выданнямі і гісторыяй развіцця друкаванай тэхнікі пяці стагоддзяў, наглядна замацаваўшы атрыманыя веды.

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111