У Нацыянальнай бібліятэцы Беларусі, а таксама ва ўсіх абласных бібліятэках Рэспублікі Беларусь адкрыты тэставы доступ да рускамоўнай электроннай бібліятэкі IQlib.
Фонд электроннай бібліятэкі IQlib на сённяшні дзень уключае больш за 2000 паўнатэкставых лічбавых версій друкаваных выданняў і рэгулярна папаўняецца наступнымі выданнямі:
- падручнікамі, у тым ліку аўтарскімі распрацоўкамі выкладчыкаў вядучых ВНУ Расіі;
- манаграфіямі, зборнікамі навуковых артыкулаў, дысертацыямі, аўтарамі якіх з’яўляюцца выдатныя расійскія і замежныя навукоўцы;
- сучаснымі выданнямі, якія адлюстроўваюць актуальныя канцэпцыі і новую інфармацыю, у першую чаргу, па гісторыі, эканоміцы, сацыялогіі і іншых гуманітарных і грамадска-палітычных кірунках;
- навукова-папулярнымі выданнямі, якія кваліфікавана расказваюць аб новых ідэях і дасягненнях у галіне прыродазнаучых ведаў;
- тэхнічнай літаратурай, якая дазваляе атрымаць уяўленне аб інжынерных і тэхналагічных рашэннях задач, што стаяць перад вытворчым сектарам эканомікі.
Для работы з рэсурсам неабходна зарэгістравацца.
Доступ адкрыты да 31.12.2008 г.
