У Нацыянальнай бібліятэцы Беларусі адкрыты тэставы доступ да электронных баз даных кампаніі ProQuest.
Arts and Humanities Full Text – паўнатэкставая база даных па мастацтве і гуманітарных навуках, якая ўключае некалькі тэматычных калекцый:
- па археалогіі, антрапалогіі, антычнай культуры;
- па архітэктуры, дызайне інтэр'еру;
- па ландшафтным дызайне, гарадскім планаванні;
- па жывапісе, графіцы, дызайне, фатаграфіі;
- па гісторыі, філасофіі, рэлігіі;
- па сучасных мовах і літаратуры;
- па музыцы, тэатры, кінематаграфіі.
History Study Center – шырокая калекцыя выданняў па сусветнай гісторыі (храналогія падзей: з 757 па 2000 г.). Рэсурс уключае больш за 40 000 дакументаў, у тым ліку рэдкія кнігі, газетныя і часопісныя артыкулы, судовыя і парламенцкія дакументы, дзённікі, відэаролікі, запісы радыё- і тэлевізійных навін, статыстычныя даныя, карты, а таксама спасылкі на 2 000 тэматычных сайтаў у Інтэрнэце.
Literature Online – рэсурс, прызначаны для вывучэння і выкладання літаратуры на англійскай мове. Уключае поўныя тэксты звыш 357 250 літаратурных твораў, а таксама крытычныя, даведачныя, біяграфічныя і бібліяграфічныя матэрыялы. Акрамя таго, база даных змяшчае артыкулы з 312 часопісаў па літаратуразнаўстве і мовазнаўстве, шырокую калекцыю відэазапісаў вядомых англійскіх акцёраў, якія чытаюць класічныя творы, а таксама больш за 5 250 адрасоў web-сайтаў па літаратуры і літаратуразнаўстве.
Доступ адкрыты па 30 лістапада 2010 г.
