4 лістапада Магілёўская абласная бібліятэка імя У.І. Леніна святкуе свой 75-летні юбілей.
За гэты час бібліятэка як асабліва цэнны аб’ект гісторыка-культурнай спадчыны заваявала сваё месца і аўтарытэт у бібліятэчнай прасторы, у сферах культуры, навукі і адукацыі; паказала вялікі патэнцыял у сваім развіцці і ўдасканаленні; змагла стварыць дружны творчы калектыў аднадумцаў.
З кожным годам бібліятэка ўсё больш імкліва набірае абароты па павышэнні якасці задавальнення інфармацыйных запатрабаванняў сваіх карыстальнікаў, выкарыстанні камп’ютарных тэхналогій, асваенні самых новых форм інфармацыйнага сэрвісу і тэхналагічных інавацый.
Дзякуючы падзвіжніцкай працы, калектыў бібліятэкі дасягнуў вялікіх поспехаў па вядучых напрамках сваёй дзейнасці: асветніцтву ў галіне краязнаўства, папулярызацыі экалагічнай інфармацыі, распрацоўцы і эфектыўнай рэалізацыі праграм сацыяльнага развіцця, арганізацыі і пастаянным удзеле ў рэспубліканскіх, абласных і гарадскіх конкурсах.
Ад усёй душы жадаем бібліятэцы далейшага росквіту, а ўсім яе супрацоўнікам – моцнага здароўя, шчасця, удачы, аптымізму, творчых поспехаў, невычэрпнай энергіі, міру, дабра і дабрабыту!