З 1 жніўня 2009 года ў Нацыянальнай бібліятэцы Беларусі адкрыты тэставы доступ да базы даных уласнай генерацыі “Беларусь у асобах і падзеях".
Універсальная беларусазнаўчая база даных уключае звесткі пра людзей, жыццё і дзейнасць якіх былі звязаны з Беларуссю, пра найбольш важныя падзеі, перыядычныя выданні, прадпрыемствы, арганізацыі і ўстановы, населеныя пункты, прыродаахоўныя тэрыторыі і іншыя аб’екты, што ўвайшлі ў гісторыю краіны. Тэкставая інфармацыя дапоўнена ілюстрацыйным матэрыялам і гіперспасылкамі на інтэрнэт-рэсурсы.
Доступ да базы даных “Беларусь у асобах і падзеях” магчымы толькі з будынка Нацыянальнай бібліятэкі Беларусі.
