21 лютага 2020 г. Нацыянальная бібліятэка Беларусі правядзе акцыю “Мілагучнае, звонкае, спеўнае слова”, прымеркаваную да Міжнароднага дня роднай мовы.
У Міжнародны дзень роднай мовы, які адзначаецца ў свеце ўжо 21 раз, на вонкавым электронным светлавым табло Нацыянальнай бібліятэкі можна будзе ўбачыць не толькі традыцыйныя цытаты класікаў нацыянальнай літаратуры пра беларускую мову, але і простыя беларускія словы, якія адрозніваюць нас ад іншых народаў.
Паводле даследвання ЮНЕСКА, беларуская мова з’яўляецца адной з самых мілагучных моў у свеце. Вясё-ё-ёлка, мату-у-уля, натхне-е-енне… Калі хтосьці сумняваецца ў гэтым, тады запрашаем у Нацыянальную бібліятэку пагартаць старонкі любімых беларускіх твораў.
А ранкам і ўвечары 21 лютага прапануем звярнуць увагу на вонкавае электроннае светлавое табло бібліятэкі, дзе можна будзе пабачыць яркія, прыгожыя, зачаравальныя ролікі з наймілагучнейшымі роднымі словамі і цытатамі з твораў беларускіх пісьменнікаў.
Тэлефоны для даведак: (8 017) 293 27 65, 293 28 25.
Е-mail: reklama@nlb.by
Матэрыял прадастаўлены аддзелам сувязей з грамадскасцю.
