5–6 сакавіка на базе Віцебскай абласной бібліятэкі імя У. І. Леніна ў рамках семінара-практыкуму адбыўся круглы стол “Рэгіянальныя зводныя электронныя каталогі (РЗЭК) як інструмент карпаратыўнага ўзаемадзеяння”.
У мерапрыемстве прынялі ўдзел больш за 45 спецыялістаў з бібліятэк Віцебскага рэгіёна.
Тэхналагічныя аспекты стварэння рэгіянальнай сеткі зводнага электроннага каталога бібліятэк Беларусі прадставіла Алена Ішуціна, загадчыца сектара аддзела бібліятэчна-інфармацыйных тэхналогій Нацыянальнай бібліятэкі Беларусі. Асветлены пытанні па суправаджэнні праграмнага забеспячэння РЗЭК і перспектывы ўзаемадзеяння з аўтаматызаванай бібліятэчна-інфармацыйнай сістэмай AlisWeb.
У выступленні Наталля Шамко, галоўнага бібліятэкара аддзела бібліятэчна-інфармацыйных тэхналогій прадстаўлены тыповыя памылкі ў бібліяграфічных запісах з лакальнага электроннага каталога Віцебскай абласной бібліятэкі. Звернута ўвага на методыку апісання розных відаў дакументаў, у тым ліку электронных рэсурсаў і аудыявізуальных матэрыялаў.
Матэрыял прадастаўлены аддзелам бібліятэчна-інфармацыйных тэхналогій.