7 сакавіка ў Нацыянальнай бібліятэцы адбылося мерапрыемства да Дня праваслаўнай кнігі, прысвечанае 180-годдзю Полацкага царкоўнага сабора.
Арганізатары: Выдавецкі савет Беларускай праваслаўнай царквы (БПЦ), Міністэрства культуры Рэспублікі Беларусь, Міністэрства адукацыі Рэспублікі Беларусь, Нацыянальная бібліятэка Беларусі і Свята-Елісавецінскі манастыр.
У мерапрыемстве ўзялі ўдзел Патрыяршы Экзарх усяе Беларусі, мітрапаліт Мінскі і Заслаўскі Павел, старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы Ігар Марзалюк і дырэктар Нацыянальнай бібліятэкі Беларусі Раман Матульскі.
У рамках Дня праваслаўнай кнігі прайшла прэзентацыя прац Свяцейшага Патрыярха Кірыла. Камплекты кніг былі перададзены ў фонд Нацыянальнай бібліятэкі, а таксама Патрыяршаму экзарху ўсяе Беларусі Паўлу.
Гасцямі мерапрыемства сталі святары, кіраўнікі мясцовых выканаўчых органаў, прадстаўнікі міністэрстваў культуры і адукацыі, кіраўнікі і супрацоўнікі дыпламатычных місій, акрэдытаваных у Беларусі, рэктары вышэйшых навучальных устаноў, навучэнцы духоўных школ.
Падчас мерапрыемства ў фае канферэнц-залы працавала выстаўка кніг выдавецтваў БПЦ.
Матэрыял прадастаўлены аддзелам сувязей з грамадскасцю.
