ГалоўнаяНавіныМастацкія выстаўкі
“Бывайце здаровы, жывіце багата!”
Увага: мерапрыемства пераносіцца!

Залаты век Галівуда – жанчыны-легенды

Залаты век Галівуда – жанчыны-легенды
Іншыя навіны

22 сакавіка ў бібліятэцы адбылося ўрачыстае адкрыццё фотапраекта “Залаты век Галівуда – жанчыны-легенды” пры ўдзеле Пасольства ЗША ў Рэспубліцы Беларусь.


Наведвальнікі мерапрыемства змаглі акунуцца ў эпоху залатога веку ў гісторыі Галівуда, уклад якога ў кінамастацтва сапраўды велізарны. Знакамітыя класічныя творы, выпушчаныя ў той перыяд, такія як “Унесеныя ветрам”, “Касабланка”, “Грамадзянін Кейн”, уваходзяць у залаты фонд сусветнага кіно.

Падчас урачыстай часткі Часовы павераны ў справах ЗША ў Рэспубліцы Беларусь Скот Роланд перадаў у дар Нацыянальнай бібліятэцы Беларусі кнігі, па матывах якіх былі зняты вядомыя галівудскія карціны, і звыш 100 дыскаў з галівудскімі фільмамі – узорамі класічнага амерыканскага кінематографа.

Дырэктар Нацыянальнай бібліятэкі Беларусі Раман Матульскі падзякаваў гасцям за свята, якое яны прынеслі ў бібліятэку. Ён адзначыў, што падораныя кнігі і дыскі зоймуць асаблівае месца ў зале нотных і аўдыявізуальных дакументаў, прывабяць увагу моладзі і дадуць магчымасць удасканальваць англійскую мову.

Самыя папулярныя імёны прадстаўніц кінаіндустрыі эпохі залатога веку прагучалі ў лекцыі “Вялікія жанчыны Галівуда”, з якой выступіў перад гасцямі консул Пасольства ЗША ў Рэспубліцы Беларусь Фрэдэрык Стэрн.

Мерапрыемства прадоўжылася праглядам музычнага кінафільма “Тыя, што спяваюць пад дажджом” – аднаго з найбольш выдатных мюзіклаў Галівуда, знятага ў 1952 годзе. У фільме гучыць папулярная музыка Н. Браўна, але “Тыя, што спяваюць пад дажджом” заваявалі гледача не музыкай або песнямі паасобку, а сінтэзам мелодый, вакалу, танца.

На адкрыцці выстаўкі знаўцы кінамастацтва атрымалі асалоду, праглядаючы фатаграфіі знакамітых актрыс. Іх шарм, элегантнасць і стыль, уласцівыя галівудскай кінаіндустрыі 30–40-х гадоў XX стагоддзя, і сёння натхняюць многіх мадэльераў і стылістаў на стварэнне непаўторных вобразаў.

Знаёмства з экспазіцыяй фотапраекта даказвае, што менавіта кінадзівы эпохі залатога веку з’яўляюцца эталонам гламурнасці – таго, што сёння разумеецца як прывабнае і эфектнае.

Выстаўка будзе дэманстравацца ў галерэі “Лабірынт” да 17 красавіка 2016 года.

Тэлефоны для даведак: (8 017) 293 28 33, 293 27 56.
Е-mail: pr@nlb.by

Навіны

25 Вер 2020

На гэтым тыдні споўнілася сто гадоў з дня заснавання дома-музея Адама Міцкевіча ў Навагрудку. Аб тым, чаму гэтая сядзіба можа прэтэндаваць на званне найстарэйшай культурнай установы ў Беларусі, і чым сёння жыве колішняя калыска класіка, распавядае “Культура”.

Навіны бібліятэк

Беларускія кнігі перададзены ў Эстонію

24 Вер 2020

У рамках дабрачыннай акцыі “Пра Беларусь – беларусам замежжа” пры дапамозе Пасольства Рэспублікі Беларусь у Рэспубліцы Эстонія нацыянальна-культурным аб’яднанням гэтай краіны перададзена ў дар больш за 150 асобнікаў беларускіх выданняў.

Навіны Нацыянальнай бібліятэкі Беларусі

Размова з адвакатам аб ільготах і дапамозе маладым і шматдзетным сем’ям

23 Вер 2020

20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.

Навіны Нацыянальнай бібліятэкі Беларусі

24 верасня – 205 гадоў з дня нараджэння Габрыелі Пузыны, пісьменніцы, мемуарысткі, аўтара зборнікаў вершаў, апавяданняў, драм, камедый, успамінаў

24 Вер 2020

Постаць Альбіны Габрыелі Пузыны (1815–1869), адметная яркай творчай індывідуальнасцю, своеасаблівым мастацкім бачаннем свету, вылучаецца на фоне літаратурнага працэсу сярэдзіны XIX ст., робіць яго больш багатым, цікавым і разнастайным.

Па старонках беларускага календара

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

24 Вер 2020

У многіх аўтараў час ад часу запытваюцца пра тое, якім быў іх першы верш, як яны яго пісалі і чаму ўвогуле вырашылі напісаць. Можна лічыць, што момант, калі паэзія ўваходзіць у жыццё чалавека, становіцца вызначальным для далейшага шляху, у пэўным сэнсе прадказвае творчы лёс. Але, здаецца, далёка не для ўсіх момант напісання першага верша варта лічыць нечым значным.

Навіны бібліятэк

111