31 сакавіка ў галерэі “Панарама” адбылося адкрыццё мастацкай выстаўкі “Вяртанне да рамантызму” (“Le retour au romantisme”).
Гэта сумесны праект Нацыянальнай бібліятэкі Беларусі і Пасольства Францыі ў Рэспубліцы Беларусь.
На выстаўцы свае работы прадставілі мастакі розных пакаленняў і творчых напрамкаў: Фёдар Ястраб, Яўген Шунейка, Ірына Котава, Юрый Падолін, Ігар Гарбуноў, Людміла Налівайка, Карына Харанека, Лізавета Пастушэнка, Вераніка Малашук, Уладзімір Рынкевіч, Вольга Мельнік, Дар’я Мароз-Корат, Дзмітрый Шапавалаў і інш.
Адкрылі выстаўку дырэктар Нацыянальнай бібліятэкі Беларусі Раман Матульскі і Надзвычайны і Паўнамоцны Пасол Французскай Рэспублікі ў Рэспубліцы Беларусь Мішэль Рэнеры. У мерапрыемстве ўзялі ўдзел загадчык аддзела галерэйна-выставачнай дзейнасці Нацыянальнай бібліятэкі Беларусі Фёдар Ястраб; куратар праекта, мастацтвазнавец Яўген Шунейка; мастак Ірына Котава; арт-менеджары праекта і вядучыя вечара Юлія Новік і Віка Трэнас.
Выстаўка будзе доўжыцца да 26 красавіка ў галерэі “Панарама” (22-гі паверх, закрытая аглядная пляцоўка). Уваход на выстаўку платны і складае кошт наведвання агляднай пляцоўкі.