З 1 красавіка па 20 мая ў зале перыядычных выданняў (пам.106) ладзіцца тэматычная выстаўка “Беларусь-2010: знамянальныя падзеі мінулага года”.
Адкрываецца выстаўка шэрагам артыкулаў, у якіх расказваецца пра важнейшыя падзеі палітычнага і эканамічнага жыцця рэспублікі. Гэта – выбары Прэзідэнта Рэспублікі Беларусь, правядзенне чацвёртага Усебеларускага народнага сходу, на якім абазначана перспектыва развіцця краіны на бліжэйшыя 5 гадоў, умацаванне эканамічнай інтэграцыі Беларусі, Расіі і Казахстана і інш.
Матэрыялы выстаўкі нагадаюць таксама пра разнастайнае культурнае і спартыўнае жыццё краіны ў мінулым годзе. Сапраўднай падзеяй для краіны стала дзіцячае “Еўрабачанне”, якое праходзіла ў Мінску. Пасля рэканструкцыі адкрыліся Мірскі замак, які з’яўляецца ўнікальным узорам нацыянальнага дойлідства XVI–XX стагоддзяў, Беларускі дзяржаўны цырк.
У 2010 годзе ў рэспубліцы прайшоў шэраг мерапрыемстваў, прысвечаных 200-годдзю беларускага мастака Івана Фаміча Хруцкага, імя якога было занесена ў Спіс памятных дат ЮНЕСКА.
30 студзеня для ўсёй Беларусі запомніўся як дзень адкрыцця грандыёзнага культурна-спартыўнага комплекса “Мінск-Арэна”.
Шматлікія публікацыі, якія дэманструюцца на выстаўцы, прысвечаны спартыўным перамогам, у тым ліку і на зімовай Алімпіядзе ў Ванкуверы.
Усяго на выстаўцы прадстаўлена каля 30 перыядычных выданняў.
Кантактны тэлефон: 293-25-87.
 |
 |
||||
 |
 |
