У галерэі “Ракурс” (2-гі паверх) адкрылася фотадакументальная выстаўка “Трыццаць гадоў супрацоўніцтва ААН і Беларусі: праз фота знакавых падзей”. Выстаўка прымеркавана да Дня Арганізацыі Аб’яднаных Нацый, які адзначаецца 24 кастрычніка.
Здымкі і каментарыі дапамогуць узгадаць адны з самых значных падзей, сустрэч, праектаў і іх удзельнікаў за 30 гадоў супрацоўніцтва ААН і Беларусі, даведацца пра саму арганізацыю і яе дзейнасць.
Нагадваем, што чытачы Нацыянальнай бібліятэкі Беларусі маюць магчымасць штодзень працаваць у чытальнай зале дакументаў міжнародных арганізацый, дзе ў адкрытым доступе прадстаўлены выданні кіруючых органаў ААН: Генеральнай асамблеі, Савета Бяспекі, Эканамічнага і сацыяльнага савета, Міжнароднага суда, а таксама дакументы спецыялізаванных устаноў і самастойных арганізацый, якія ўваходзяць у сістэму Арганізацыі Аб`яднаных Нацый.
Запрашаем наведаць выстаўку да 5 снежня 2022 года.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 28 33.
Матэрыял пададзены аддзелам галерэйна-выставачнай дзейнасці.