ГалоўнаяНавіныМастацкія выстаўкі
Увага! Акцыя! Зніжка на абанемент у трэнажорную залу!
У кнігі няма канікулаў

Народжаны Палессем, адданы Беларусі: выстаўка памяці мастака Гаўрыіла Вашчанкі

Народжаны Палессем, адданы Беларусі: выстаўка памяці  мастака Гаўрыіла Вашчанкі
Іншыя навіны

21 чэрвеня ў бібліятэцы адкрылася выстаўка Гаўрыіла Вашчанкі "Зямля пад белымі крыламі", прысвечаная 90-годдзю з дня нараджэння мастака.

Аднойчы ў Гаўрыіла Іванавіча спыталі: "Якая работа ў вас самая любімая?". "Няма любімых, ёсць найбольш эмацыянальна выпакутаваныя – гэта тыя, што звязаны з маёй малой Радзімай, з маім домам, з маці", – адказаў мастак.

Гэтая думка, выказаная вядомым майстрам, чырвонай ніткай праходзіць праз экспазіцыю "Зямля пад белымі крыламі", што ўпрыгожыла выставачную прастору галерэі "Лабірынт". Эмацыянальная, гарманічная, жыццесцвярджальная, у чымсьці нават рамантычная, яна вяртае да той пары і таго месца, дзе мастак нарадзіўся, спасцігаў жыццё і дзе ўзыходзіла зерне яго неўміручага таленту.

"Летнія радасці" і "Вераснёўскае шчасце". Мастак знаходзіць іх у простых рэчах – дзяўчаты купаюцца ў рэчцы, шчодры грыбны ўраджай на стале. Вось на дарозе сустрэліся дзве бабулі з вёдрамі – хадзілі па ваду – перадаюць адна адной навіны.

Закаханыя на мосце намаляваны са спіны – не абавязкова бачыць іх твары, каб зразумець тыя пачуцці, што іх захапілі. Ды і пад карцінай значыцца – "Без назвы", тут і так усё зразумела. А побач – "Рамантычны пейзаж", "Сярэбраная ноч" і "Блакітам возера свяцілася". Гэта ўсё ён, звыклы для ўсіх манументаліст Гаўрыіл Вашчанка, чуллівы і шчыры, як разгорнутая старонка перад гледачом.

Многія з прадстаўленых работ прысвечаны славутым месцам Беларусі і роднаму краю – "Мірскі замак", "Храм у Сынкавічах", "Навагрудчына", "Браслаўскія азёры", "Палессе". Жыццёвай філасофіяй прасякнуты карціны "Дарогі" і шэры "Восеньскі сум", ад якога так і вее адзінотай і развітаннем.

І над усім гэтым узвышаюцца магутныя "Крылы" – серыя карцін-разважанняў пра тайны быцця. Здаецца, яны нябачна прысутнічаюць на ўсіх работах майстра. Дзіўныя анёлы быццам пакрываюць вялікімі крыламі ўсё дарагое сэрцу мастака – зямлю, прыроду, родных людзей. Анёл-абаронца ўзняў меч і захінуў сабой безабаронных, Анёл-ахоўнік схіліў галаву і скрыжаваў рукі, нібы застыў у малітве, а вось прамяністы Анёл нібы пралівае свет на ўсё, што змяшчаецца пад яго велізарнымі крыламі.

Прайсці жыццёвы шлях і застацца сабой, не здраджваючы радзіме і святым каштоўнасцям, здолее не кожны нават вельмі таленавіты чалавек. Гаўрыіл Вашчанка не толькі здолеў, а зрабіў сваю радзіму больш багатай. Сваім талентам, сваёй творчасцю ўслаўляў і ўслаўляе родны край, працягваючы жыць у памяці людзей і сваіх непаўторных работах.

У вернісажы ўзялі ўдзел намеснік дырэктара Нацыянальнай бібліятэкі Беларусі па інфармацыйных рэсурсах Таццяна Кузьмініч, рэктар Беларускай дзяржаўнай акадэміі мастацтваў Міхаіл Баразна, старшыня Беларускага саюза мастакоў Рыгор Сітніца, дацэнт кафедры літаратурна-мастацкай крытыкі Інстытута журналістыкі Беларускага дзяржаўнага ўніверсітэта Наталля Шаранговіч, загадчык кафедры манументальна-дэкаратыўнага мастацтва Беларускай дзяржаўнай акадэміі мастацтваў Уладзімір Зінкевіч, беларускі мастак-графік, сын Гаўрыіла Вашчанкі Канстанцін Вашчанка.

Прайсціся шляхам мастака і па-новаму адкрыць для сябе яго талент запрашаем да 19 верасня 2018 года.

Дата заканчэння работы выстаўкі можа быць зменена.

Тэлефоны для даведак: (8 017) 266 37 37, 293 28 23.
Е-mail: pr@nlb.by

Навіны

5 красавіка 1945 года. 35 дзён да Перамогі

5 Кра 2020

Перамогі Чырвонай арміі. Ваенныя трафеі. Рашэнне чылійскага сената. Нямецкія салдаты масава здаюцца ў палон. Пачатак пасяўных работ. Сацспаборніцтва МТС. Выстава конкурсных праектаў у Дзяржаўнай бібліятэцы БССР імя У.І. Леніна. Газеты: «Советская Белоруссия» (№№ 60, 62), «Звязда» (№№ 61, 63, 64).

Праект “100 дзён да Вялікай Перамогі. Па старонках беларускіх газет 1945 г.”

3 Кра 2020

1 красавіка ў кнігарні «Дом кнігі «Светач» (г. Мінск, пр-т Пераможцаў, 11) адбылася імпрэза «Кніжны свет Беларусі: Гродзеншчына», на якой расказалі аб лепшых, найболей адметных кнігах, звязаных з Гродна і яго ваколіцамі.

Навіны бібліятэк

Разам – мы пераможам!

3 Кра 2020

2 красавіка па ініцыятыве Міністэрства замежных спраў Рэспублікі Беларусь на вонкавым электронным светлавым табло Нацыянальнай бібліятэкі Беларусі запушчана акцыя падтрымкі і салідарнасці нашай краіны з дзяржавамі, якія на сённяшні дзень найбольш пакутуюць ад заражэння COVID-19.

Навіны Нацыянальнай бібліятэкі Беларусі

4 красавіка 1945 года. 36 дзён да Перамогі

4 Кра 2020

Узяцце Браціславы. Завяршэнне Усходне-Памяранскай наступальнай аперацыі. Поўнае вызваленне Венгрыі. Галоўнае заданне калгасаў краіны. Дапамога бясконным гаспадаркам. Падрыхтоўка да школьных экзаменаў. Газеты: “Советская Белоруссия” (№№ 60, 61), “Звязда” (№ 61), “Большэвiцкая трыбуна” Барысаўскага раёна (№ 35), “Искра” Валожынскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

3 красавіка 1945 года. 37 дзён да Перамогі

3 Кра 2020

Вызваленне Крэмніцы. Узяцце саюзнымі войскамі гарадоў Мюнстэр і Карлсруэ. Пачатак палявых работ. Абавязацельствы трактарыстаў. Газеты: “Звязда” (№ 61), “Большэвік Палесся” Палескай (цяпер ліквідаванай) вобласці (№ 32).

Праект “100 дзён да Вялікай Перамогі. Па старонках беларускіх газет 1945 г.”

2 Кра 2020

На вядомых нам партрэтах народнага паэта Беларусі Якуба Коласа, тых партрэтах, якія мы прывыклі бачыць у падручніках і кнігах, пісьменнік звычайна паказаны сталым і сур’ёзным, такім, якім і сапраўды павінен выглядаць класік беларускай літаратуры. Хацелася б паказаць Коласа зусім іншым – незвычайным і нечаканым, жартаўлівым, смешным і па-сяброўску іранічным.

Навіны бібліятэк

4 Кра 2020

Для ўсiх аматараў музыкi, гiсторыi беларускай лiтаратуры i культуры выдавецтва «Беларуская Энцыклапедыя iмя Петруся Броўкi» выпусцiла новую кнiгу «Лiбрэта опер Станiслава Манюшкi». У ёй сабраныя сем перакладаў лiбрэта опер Манюшкi на беларускую мову, большасць з якiх выдаецца ўпершыню. Кнiга таксама знаёмiць чытача з кароткiмi нарысамi жыцця чатырох лiбрэтыстаў, расказвае падрабязнасцi з гiсторыi беларускiх пастановак опер, змяшчае афiшы iх прэм'ер i ўнiкальныя фотаздымкi. На прэзентацыi выдання дэманстравалi архiўныя фота- i вiдэакадры, а таксама фрагменты опер Станiслава Манюшкi.

Навіны бібліятэк

111