ГалоўнаяНавіныМастацкія выстаўкі
Аб чым нашэптваюць архівы?
“Шліман беларускай літаратуры ХІХ стагоддзя”: сучаснае асэнсаванне асобы і спадчыны Сцяпана Александровіча

Чароўны свет беларускай прыроды

Чароўны свет беларускай прыроды
Іншыя Навіны

23 снежня ў галерэі “Панарама” адбылося адкрыццё фотавыстаўкі “Зялёны позірк”, якая знаёміць гледачоў з унікальнай і разнастайнай флорай і фаўнай Рэспубліканскага ландшафтнага заказніка “Гродзенская пушча”.

Намеснік генеральнага дырэктара Нацыянальнай бібліятэкі Беларусі Аляксандр Суша распачаў мерапрыемства і адзначыў, што асноўнай мэтай выстаўкі з’яўляецца жаданне прыцягнуць увагу да прыродаахоўнай тэрыторыі, заахвоціць гледачоў берагчы і паважаць прыродную спадчыну Беларусі, даць магчымасць ёю налюбавацца.

ZialPoz_2.jpg

Намеснік старшыні Рэспубліканскага турысцка-спартыўнага саюза, каардынатар праекта “Зялёны позірк” Сяргей Каляда распавёў пра гісторыю стварэння праекта і вынікі плённай працы ўдзельнікаў экспедыцыі па рэках Гродзенскай пушчы.

Журналіст, фотамастак, аўтар фотаальбомаў і даведнікаў пра Беларусь, дырэктар Рэспубліканскага фонду развіцця турызму і падтрымкі дзікай
прыроды “Планета без межаў”, заснавальнік і дырэктар краязнаўчага выдавецтва “Рыфтур” Сяргей Плыткевіч расказаў пра экспедыцыйнае фотопаляванне і прадстаўленыя візуальныя апавяданні, якія дэманструюць хараство беларускай прыроды.

ZialPoz_3.jpg

Доўгія дзесяцігоддзі на тэрыторыю аднаго з найбольш экалагічна чыстых месцаў у Беларусі – Гродзенскай пушчы – быў абмежаваны доступ наведвальнікаў, таму некаторыя віды раслін і жывёл сустракаюцца і захоўваюцца толькі тут.

У фотаздымках прадстаўлены жывёлы, занесеныя ў Чырвоную кнігу Рэспублікі Беларусь, – арлан-белахвост, арол-змеяед, вялікая белая чапля, чорны бусел, шэры журавель, еўрапейская рысь, барсук і інш., неверагодныя макраздымкі самых дробных насельнікаў мясцовай фаўны, лясныя і лугавыя экасістэмы, чароўныя віды з вышыні птушынага палёту на захапляльныя панарамы ракі Нёман і яе прытокаў, Чорнай Ганчы, Асташанкі і Ласасянкі, здымкі Аўгустоўскага канала.

Работы аўтараў уражваюць сваёй яркасцю, сакавітасцю і натуральнасцю момантаў, маштабнасцю панарам і разнастайнасцю краявідаў. Выдатныя ўзоры фотамастацтва, знакавыя ў прыродаахоўным жыцці краіны аб’екты і героі – рэдкія жывёлы і птушкі – раскрываюць прыгажосць і багацце беларускай прыроды.


Наведванне экспазіцыі ўваходзіць у кошт наведвання агляднай пляцоўкі.
Час работы выстаўкі адпавядае рэжыму работы агляднай пляцоўкі.

Выстаўка будзе працаваць да 20 сакавіка 2022 г.
Дата заканчэння працы экспазіцыі можа быць зменена.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Навіны

Відэаматэрыялы Х Міжнароднай навукова-практычнай канферэнцыі “Электронная культура”

5 Ліп 2022

Запрашаем пазнаёміцца з відэазапісам дакладаў Х Міжнароднай навукова-практычнай канферэнцыі “Электронная культура” па тэме “Лічбавыя калекцыі ў прасторы культуры”, якая адбылася 10 чэрвеня і была прысвечана 100-годдзю Нацыянальнай бібліятэкі Беларусі.

Навіны Нацыянальнай бібліятэкі Беларусі

Удзельнікі “Цягніка Памяці” наведалі Нацыянальную бібліятэку

4 Ліп 2022

3 ліпеня адну з галоўных славутасцей Мінска – Нацыянальную бібліятэку Беларусі – наведалі ўдзельнікі сумеснага расійска-беларускага праекта “Цягнік Памяці”.

Навіны Нацыянальнай бібліятэкі Беларусі

Выстава “Шэсць стагоддзяў гісторыі медыцыны і фармацыі ў рарытэтах Нацыянальнай бібліятэкі Беларусі” працягнута да канца ліпеня

1 Ліп 2022

Выстава “Шэсць стагоддзяў гісторыі медыцыны і фармацыі ў рарытэтах Нацыянальнай бібліятэкі Беларусі” выклікала вялікую цікавасць у наведвальнікаў музея кнігі. Яе наведала больш за 7 000 чалавек.

Навіны Нацыянальнай бібліятэкі Беларусі

У бібліятэцы адкрылася выстава да Дня Незалежнасці Рэспублікі Беларусь

30 Чэр 2022

30 чэрвеня ў кальцавым калідоры 2-га паверха Нацыянальнай бібліятэкі Беларусі адкрылася архіўная фотавыстава “2022 Год гістарычнай памяці”, прымеркаваная да святкавання Дня Незалежнасці Рэспублікі Беларусь.

Мастацкія выстаўкі

Адраджэнне Дзяржаўнай бібліятэкі імя У.І. Леніна: цікавыя факты і лічбы 1944–1945 гг. (па старонках базы даных “НББ у прэсе”)

3 Ліп 2022

Адразу пасля вызвалення Мінска ад нямецка-фашысцкіх акупантаў разгарнулася праца па аднаўленні бібліятэкі, пра што нам расказваюць газеты пасляваенных гадоў.

Да 100-годдзя Нацыянальнай бібліятэкі Беларусі

Бібліятэкарам