14 сакавіка ў бібліятэцы адкрылася выстаўка “Акваканцэпт”.
Арганізатары – Нацыянальная бібліятэка Беларусі, арт-студыя “Аквавір”, Беларускі саюз мастакоў і Беларускі дзяржаўны ўніверсітэт культуры і мастацтваў.
У адкрыцці выстаўкі прынялі ўдзел першы намеснік дырэктара Нацыянальнай бібліятэкі Беларусі Алена Далгаполава, намеснік старшыні Беларускага саюза мастакоў Леанід Хобатаў, акварэліст, мастацтвазнаўца, кіраўнік арт-студыі “Аквавір” Уладзімір Рынкевіч, мастацтвазнаўца, мастацкі крытык, куратар і галерыст Мікалай Паграноўскі і кандыдат мастацтвазнаўства Галіна Флікоп-Світа.
У экспазіцыі прадстаўлены творы прафесійных мастакоў і аматараў, незалежна ад іх рангу і ўдзелу ў грамадскіх арганізацыях і творчых аб’яднаннях. У сваіх работах майстры пераасэнсавалі гармонію навакольнага свету і матэрыялізавалі аўтарскую задумку спецыфічнымі сродкамі акварэлі ў розных тэматычных і стылістычных напрамках.
Азнаёміцца з экспазіцыяй можна да 15 мая 2019 г.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 81 80.
Е-mail: pr@nlb.by
Матэрыял прадастаўлены аддзелам сувязей з грамадскасцю.
