ГалоўнаяНавіныМастацкія выстаўкі
Тэставы доступ да ЭБС “IPRbooks”
Быкаў. Шлях дадому

150 выставак у плакаце

150 выставак у плакаце
Іншыя навіны

Да 10-годдзя новага будынка Нацыянальнай бібліятэкі Беларусі адкрыта экспазіцыя “150 выставак у плакаце».


Новы будынак бібліятэкі дазволіў не толькі якасна размясціць велізарны бібліятэчны фонд, але і адкрыць выдатныя галерэі і выставачныя пляцоўкі, якія даюць магчымасць прадставіць да ўвагі наведвальнікаў сучасныя творчыя праекты. За 10 гадоў тут было праведзена каля 2 000 кніжных выставак і больш за 200 мастацкіх праектаў, у ліку якіх – “Colorfest”, “Terra Nova”, “Арт-лінія”, “Фестываль пейзажа”, “Арт-крок”, “Кветкавы рай”. Найбольш яркія мастацкія праекты былі арганізаваны пад куратарствам Фёдара Адамавіча Ястраба – загадчыка аддзела галерэйна-выставачнай дзейнасці (2006–2013 гг.), мастака, галерыста, мастацтвазнаўца.

На выстаўцы прадстаўлена каля 50 афіш да найбольш значных мастацкіх праектаў і каля 100 афіш да маштабных і арыгінальных кніжных выставак. Усе афішы выкананы прафесійнымі дызайнерамі з індывідуальным падыходам. Работы раскрываюць тэматыку праектаў, перадаюць настрой і стыль выстаўкі і, несумненна, уяўляюць сабой пэўную мастацкую цэннасць як узоры плакатнага мастацтва. Шрыфт, колер, фон, дэкаратыўныя элементы, спалучэнне тэкставай і візуальнай інфармацыі – усё працуе на тое, каб заінтрыгаваць гледача, пераканаць яго, што выстаўку абавязкова трэба ўбачыць.

Экспазіцыя дэманструецца ў галерэі “Атрыум” (3-ці паверх).

Навіны

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

17 верасня – 190 гадоў Гродзенскай абласной навуковай бібліятэцы імя Я.Ф. Карскага

17 Вер 2020

У верасні 1830 г. на адной з нарад у гродзенскага генерал-губернатара было прынята рашэнне аб заснаванні ў горадзе Гродна бібліятэкі, якая стала першай публічнай бібліятэкай на сучаснай тэрыторыі Беларусі.

Па старонках беларускага календара

111