ГалоўнаяНавіныКніжныя выстаўкі
Афіцыйны візіт дэлегацыі Санкт-Пецярбурга
Сустрэча прадстаўнікоў міністэрстваў культуры Беларусі і Польшчы

З Новым годам і Калядамі!

З Новым годам і Калядамі!
Іншыя навіны

Напярэдадні калядных і навагодніх свят Нацыянальная бібліятэка Беларусі прапануе кніжную выстаўку “З Новым годам і Калядамі!”, якая ладзіцца з 18 снежня па 14 студзеня ў кальцавым калідоры 2-га паверха.


Яркая і маляўнічая экспазіцыя распавядае пра гісторыю свят, пра славянскія традыцыйныя вераванні, легенды і паданні; прапануе зазірнуць у “скарбонку парад” па арыгінальным афармленні памяшканняў, а таксама падарункаў з бісеру, салёнага цеста, батыку, па вырабе масак і ёлачных аздабленняў; па сервіроўцы святочнага стала. Падарункавае выданне па абрадавай кулінарыі змяшчае звесткі пра забытыя і зноў адроджаныя рэлігійныя таінствы і традыцыйныя абрадавыя стравы.

Несумненную мастацкую цікавасць уяўляе кніга Я.В. Іванова “Новый год и Рождество в открытках” (СПб, 2000), створаная на аснове аўтарскай калекцыі паштовак. У шырокім культурным кантэксце ў ёй разглядаюцца паўсядзённыя рэчы і з’явы.

Каталог “Елочные украшения. 1900–1970. Гид для коллекционера” (СПб, 2004) змяшчае інфармацыю пра найбольш рэдкія ёлачныя аздабленні, вырабленыя на шклозаводах і арцелях царскай Расіі, Савецкага Саюза і Германіі (больш за 1 000 ілюстрацый і 1 500 узораў упрыгожанняў).

Самы патрабавальны чытач знойдзе ў экспазіцыі выдатныя калядныя вершы І. Бродскага, У. Салаўёва, А. Фета, М. Лермантава, Ф. Салагуба, К. Бальмонта, А. Блока, М. Цвятаевай і іншых рускіх паэтаў (па-мастацку аформлены зборнік “Счастливого Рождества!”, Москва, 2004). Сваё пачэснае месца на выстаўцы займаюць кнігі “Ночь перед Рождеством” М.В. Гогаля і “Рождественские повести” Ч. Дзікенса. Таксама ўвазе наведвальнікаў прадстаўлены зборнікі віншаванняў, пажаданняў і тостаў, вершы, казкі і калядныя апавяданні.

Педагогам адрасаваны зборнікі сцэнарыяў для дзіцячых калядных свят.

Кантактныя тэлефоны: (8 017) 293 28 86, 293 29 80.

Навіны

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2017

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 Ліс 2020

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

Партрэты: гісторыя бібліятэкі ў асобах

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год

21 Ліс 2020

Нарадзіўся Фёдар Уладзіміравіч у 1905 г. у в. Чэрск Брэсцкага раёна Беларускай ССР. Падчас Першай сусветнай вайны ў 1915 г. ён з бацькамі пераехаў у с. Яфімаўка Бузулукскага павета Самарскай губерні. Там ужо з 11-гадовага ўзросту Фёдар на працягу 5 гадоў працаваў пастухом па найму.

Партрэты: гісторыя бібліятэкі ў асобах

111