ГалоўнаяНавіныКніжныя выстаўкі
Урачыстае адкрыццё выстаўкі “12+”
Прага спазнавання і асэнсавання

Высокая нота творчасці

Высокая нота творчасці
Іншыя навіны

З 3 снежня па 10 студзеня ў зале беларускай літаратуры (пам. 205) ладзіцца кніжная выстаўка “Высокая нота творчасці”, прысвечаная 75-годдзю з дня нараджэння пісьменніка, грамадскага дзеяча, заслужанага дзеяча культуры Беларусі Эдуарда Марцінавіча Скобелева.


Эдуард Скобелеў – рускамоўны беларускі пісьменнік, аўтар шматлікіх празаічных, паэтычных, драматычных твораў. Пісьменніцкая дзейнасць Э. Скобелева вызначаецца шырокім жанравым дыяпазонам: ад рамана, у тым ліку гістарычнага і палітычнага, да паэтычнай драмы – самага складанага, на думку А. С. Пушкіна, віду паэтычнай творчасці. Менавіта да яго звярнуўся Скобелеў-паэт для стварэння мастацкіх вобразаў “сыноў Айчыны” – Францыска Скарыны, Сімяона Полацкага, Сымона Буднага, Казіміра Ляшчынскага, Кастуся Каліноўскага, Янкі Купалы, а таксама такіх постацей антычнага свету і Сярэднявечча, як Сакрат і Джардана Бруна. Гістарычныя асобы сталі героямі раманаў “Свидетель (Записки капитана Тимкова)” (1987), “Мирослав, князь Дреговичский: дума о минувшем” (1979).

У 2005 годзе Э. Скобелеў стаў лаўрэатам спецыяльнай прэміі Прэзідэнта Рэспублікі Беларусь за раман “Пересечение параллельных” (2005).

Сваё слова Э. Скобелеў сказаў і ў дзіцячай літаратуры. Яго прыгодніцкія і фантастычныя аповесці, казкі і апавяданні карысталіся і карыстаюцца ў дзяцей і падлеткаў нязменным чытацкім поспехам. У 1998 годзе кнігі “Новые необычные приключения Арбузика и Бебешки” і “Удивительные приключения пана Дыли и его друзей, Чосека и Гонзасека” былі ўдастоены Дзяржаўнай прэміі Рэспублікі Беларусь за творы літаратуры і мастацтва для дзяцей і юнацтва.

Разгорнутая экспазіцыя ўяўляе шматгранную творчасць Э. Скобелева – празаіка, дзіцячага пісьменніка, паэта, драматурга, публіцыста.

Выстаўка будзе цікавая шырокаму колу чытачоў.

Кантактны тэлефон: 293-27-16.

                         
                             
                         
                             

Навіны

У Маскве адкрылася выстаўка “Сімяон, сын Полацка”

13 Сне 2019

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Кніжныя выстаўкі

“Школа даследчыка” навучыць, дзе і як шукаць літаратуру

13 Сне 2019

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

Навіны Нацыянальнай бібліятэкі Беларусі

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

111