ГалоўнаяНавіныКніжныя выстаўкі
Прэзентацыя манаграфіі C. М. Клімава “Базилиане”
Жар-птушка

У працы, у пошуку

У працы, у пошуку
Іншыя навіны

З 24 лістапада па 14 снежня ў зале беларускай літаратуры (пам. 205) ладзіцца выстаўка “У працы, у пошуку”, прымеркаваная да 60-годдзя Таісы Канстанцінаўны Грамадчанка, беларускага літаратуразнаўца і крытыка.


Таіса Канстанцінаўна шмат часу плённа працуе на ніве беларускай літаратуры: піша крытычныя і праблемныя артыкулы, рэцэнзіі, гадавыя агляды прозы, выступае перад самымі рознымі аўдыторыямі з лекцыямі, дакладамі пра стан развіцця сучаснай беларускай літаратуры. У кожным яе артыкуле адчуваецца грунтоўны і ўзважаны падыход, уменне вызначаць самае істотнае.

На выстаўцы прадстаўлены працы аўтара, у якіх даследуецца творчасць беларускіх пісьменнікаў 20–30-х гг. – Б. Мікуліча, В. Каваля, С. Баранавых, а таксама сучасных беларускіх празаікаў – І. Пташнікава, І. Навуменкі, У. Караткевіча, А. Асіпенкі, А. Кудраўца, В. Карамазава, Л. Дайнекі і інш. Сярод дакументаў – манаграфія “Жывая памяць народа. Нарыс творчасці Івана Чыгрынава” (1984), дзе, акрамя творчасці пісьменніка, разглядаецца мастацкі кантэкст часу, тыя тэндэнцыі, што вызначалі літаратурны працэс ва ўсёй складанасці імёнаў і твораў. Экспазіцыя знаёміць з кнігамі аўтара “Перад праўдай высокай і вечнай: беларуская проза сёння” (1991), “Праблемы сучаснай беларускай крытыкі” (у сааўтарстве з А. Гурскай і Л. Гарэлік, 1996), “Сучасны беларускі раман: дынаміка жанру” (2006), дапаможнікам “Беларуская проза ХХ стагоддзя: постаці, творы, праблемы” (2009), а таксама са шматлікімі артыкуламі, надрукаванымі ў калектыўных зборніках і перыядычным друку.

Асобнае месца на выстаўцы займае інфармацыйна-даведачны дапаможнік “Беларуская літаратура. Школьныя творы. Кароткі змест і аналіз” (1998) і яго дапоўненыя, дапрацаваныя і перапрацаваныя выданні, якімі з удзячнасцю карыстаюцца не толькі школьнікі, але і абітурыенты, навучэнцы, выкладчыкі.

Кантактны тэлефон: 293-27-16.

Навіны

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, прафесарам, доктарам педагагічных навук Раманам Матульскім.

Аўтарскі погляд

Кнігі з асабістай калекцыі Прэзідэнта Рэспублікі Беларусь Аляксандра Лукашэнкі перададзены ў фонды Нацыянальнай бібліятэкі Беларусі

9 Сне 2019

Гэта 76 сучасных выданняў, прысвечаных гісторыі, культуры, адукацыі, навуцы і спорту краін – суседзяў, партнёраў нашай краіны на міжнароднай арэне.

Навіны Нацыянальнай бібліятэкі Беларусі

Тэставы доступ да калекцыі Duke University Press

9 Сне 2019

Карыстальнікам Нацыянальнай бібліятэкі і яе партнёрам па віртуальнай чытальнай зале прадастаўлена магчымасць тэставага доступу да электроннай калекцыі навуковых часопісаў па літаратуры, культуралогіі, сацыялогіі, палітыцы, гісторыі і кніжнай калекцыі выдавецтва Duke University Press, у якую ўваходзяць больш за 2,5 тыс. найменняў перыядычных выданняў.

Навіны Нацыянальнай бібліятэкі Беларусі

Шлях даўжынёй у эпоху

10 Сне 2019

Гэтаму чалавеку давялося надоўга перажыць большасць са свайго пакалення, што загiнула ў крывавых вiрах эпохi. У юнацтве ён быў адным з сяброў легендарнага лiтаратурнага аб’яднання “Маладняк”, а памёр ужо ў незалежнай Беларусi. Звалi яго Аляксандр Каратай. Але ў гiсторыi лiтаратуры ён застаўся як Максiм Лужанiн, паэт, пiсьменнiк, сцэнарыст, перакладчык, якi нарадзiўся 110 гадоў таму ў вёсцы Прусы Слуцкага павета.

Навіны бібліятэк

Нарачанскi чараўнiк

10 Сне 2019

«А вось Мiхась Лынькоў, высокi, спакойны, бадай што вечна з папяросаю ў руках. Ён гаворыць мала, больш слухае другiх, бо таксама нетутэйшы, з Бабруйска. За плячыма ў яго, мабыць, ужо добры стаж нейкай немалой работы, бо выглядае ён стала, спрактыкавана, дый шынель, што сядзiць на iм вельмi ж па-цывiльнаму, проста як знак бiяграфii, дадае гэтай сталасцi».

Навіны бібліятэк

Кітабы – унікальныя помнікі рукапіснай кніжнасці

9 Сне 2019

4 снежня адбыліся чарговыя заняткі ў межах семінара-практыкуму “Кітабы – унікальныя помнікі рукапіснай кніжнасці”. Сустрэча была прысвечаная гісторыі вывучэння кітабаў. Кітабамі называюць рукапісныя кнігі, якія ствараліся на працягу стагоддзяў прадстаўнікамі адной з этнаканфесійных груп Беларусі – беларускімі татарамі.

Навіны Нацыянальнай бібліятэкі Беларусі

Падведзены вынікі працы сістэмы карпаратыўнай каталагізацыі бібліятэк Беларусі за 2019 г.

6 Сне 2019

5 снежня на базе Нацыянальнай бібліятэкі Беларусі адбылося пасяджэнне Тэхналагічнага камітэта сістэмы карпаратыўнай каталагізацы бібліятэк Беларусі.

Навіны Нацыянальнай бібліятэкі Беларусі

111