З 1 лістапада па 31 снежня ў зале прававой інфармацыі (пам. 207b) ладзіцца кніжная выстаўка “Служыць закону і справядлівасці”, прысвечаная Дню юрыста.
У адпаведнасці з Указам Прэзідэнта Рэспублікі Беларусь ад 26 сакавіка 1998 г. № 157 “Аб дзяржаўных святах, святочных днях і памятных датах у Рэспубліцы Беларусь” штогод у першую нядзелю снежня ў Рэспубліцы Беларусь адзначаецца прафесійнае свята – Дзень юрыста.
Дзень юрыста – вялікае і значнае свята, паколькі яно аб’ядноўвае юрыстаў розных сфер дзейнасці, якія служаць абароне праў і свабод грамадзян нашай дзяржавы.
Асноўная мэта прафесіі юрыста – усталяванне законнай справядлівасці. Не так шмат знойдзецца ў свеце спецыяльнасцей, настолькі адказных, паважаных, ганаровых і, адначасова, настолькі складаных, як юрыст.
Менавіта ад работнікаў юрыдычнай галіны залежыць бездакорнае выкананне законаў, а, значыць, існаванне і прававое функцыянаванне дзяржавы. Парады і рашэнні юрыстаў уплываюць на лёсы людзей, іх маёмасныя і немаёмасныя адносіны, стабільнасць эканомікі, абарону інтарэсаў аўтара і вынаходніка, прыток інвестыцый і, нарэшце, парадак на вуліцах і бяспеку грамадзян. Памылкі юрыстаў (незаконны арышт, нявернае рашэнне суда, бяздзейнасць у сітуацыі, якая патрабуе ўмяшання, проста неразумныя паводзіны) могуць негатыўна адбіцца на стане законнасці і правапарадку, дабрабыце членаў грамадства.
Юрыдычная прафесія шматгранная і налічвае вялікую колькасць спецыялізацый: адвакат, пракурор, суддзя, следчы, спецыяліст па кадрах, юрысконсульт, выкладчык, вучоны. У гэтым мностве існуе адзіная ўмова, неабходная для любой з названых сфер дзейнасці, – служэнне Закону, Праўдзе, Справядлівасці.
Экспазіцыя налічвае звыш 40 дакументаў: кнігі, брашуры, перыядычныя выданні.
Выстаўка ўключае наступныя тэматычныя раздзелы:
- Заканадаўчыя акты, рэгламентуючыя дзейнасць юрыстаў у Рэспубліцы Беларусь.
- Сістэма атрымання юрыдычнай адукацыі ў Рэспубліцы Беларусь.
- Прафесійная этыка.
Выстаўка прызначана для выкладчыкаў і студэнтаў вышэйшых навучальных устаноў, суддзяў, адвакатаў, работнікаў праваахоўных органаў і іншых прадстаўнікоў прафесіі юрыст.
Кантактны тэлефон: (8 017) 293 27 28.
Карысныя спасылкі:
- Міністэрства юстыцыі Азербайджанскай Рэспублікі
- Міністэрства юстыцыі Кыргызскай Рэспублікі
- Міністэрства юстыцыі Рэспублікі Арменія
- Міністэрства юстыцыі Рэспублікі Беларусь
- Міністэрства юстыцыі Рэспублікі Казахстан
- Міністэрства юстыцыі Рэспублікі Малдова
- Міністэрства юстыцыі Рэспублікі Таджыкістан
- Міністэрства юстыцыі Рэспублікі Узбекістан
- Міністэрства юстыцыі Расійскай Федэрацыі
- Міністэрства юстыцыі Украіны
 |
 |
 |
