З 1 па 26 лістапада ў зале беларускай літаратуры (пам. 205) праходзіць выстаўка “Прыгожа і ўтульна”, на якой прадстаўлены каталогі мэблі беларускіх вытворцаў.
Беларуская мэбля добра вядома далёка за межамі нашай краіны і ўжо стала візітнай карткай рэспублікі. На выставачных стэндах – каталогі прадпрыемстваў: ЗАТ “Пінскдрэў”, ТАА “Гомельдрэў”, мэблевай фабрыкі “Мэбля-Нёман”, КУП “Калінкавіцкі мэблевы камбінат”, ЗАТ “Бабруйскмэбля”, ТАА “Слоніммэбля”, ТАА “Мінскпраектмэбля”, ЗАТ “Маладзечнамэбля” і інш.
У стварэнні аблічча нашага дома, яго інтэр’ера мэбля адыгрывае немалаважную ролю. У рэкламных выданнях прадпрыемстваў у вялікім асартыменце прадстаўлена мэбля рознага функцыянальнага прызначэння: спальні, гасціныя, пярэднія пакоі, шафы, тумбы, сталы і крэслы, наборы мэблі для кухні, дзіцячага і ваннага пакояў, мэбля для офісаў, устаноў і многае інш. Большасць узораў прапанаванай прадукцыі выканана з улікам сучаснага дызайну, на найноўшым абсталяванні, з выкарыстаннем шырокага спектра матэрыялаў: ад драўніны розных парод да аздаблення з натуральнай скуры. Інфармацыя аб высакаякаснай прадукцыі з экалагічна чыстых матэрыялаў дапаможа наведвальнікам выстаўкі зрабіць свой выбар.
Усяго ж на выстаўцы экспануецца звыш 50 рэкламных выданняў.
Кантактны тэлефон: (8 017) 293 27 16.
 |
 |
 |
 |
 |
 |
