ГалоўнаяНавіныКніжныя выстаўкі
Мы лепшыя з лепшых: у бібліятэцы падвялі вынікі агляду-конкурсу РГА “Белая Русь”
Буквар – слова беларускае

Шэдэўр сучаснага кніжнага мастацтва: у музеі кнігі экспануецца арт-кніга “Ясон” (+відэа)

Шэдэўр сучаснага кніжнага мастацтва: у музеі кнігі экспануецца арт-кніга “Ясон” (+відэа)
Іншыя навіны

Што трэба ведаць пра сучасную беларускую кнігу? Што можна новага сказаць пра міфы і легенды Старажытнай Грэцыі? Якую кнігу нельга знайсці ў звычайнай кнігарні? Каб атрымаць адказы на гэтыя пытанні, варта наведаць выставу, на якой адно з лепшых беларускіх выданняў мінулага года – арт-кніга “Ясон”.

Выданне з’явілася ў выніку рэалізацыі сумеснага творчага праекта маладога беларускага мастака-графіка, члена Беларускага саюза мастакоў Фёдара Шурмялёва і грэчаскага паэта і калекцыянера Крыстаса Гіянакаса.

25 студзеня ў музеі кнігі адбылося ўрачыстае адкрыццё выставы, на якой прадстаўлена сама арт-кнігі “Ясон”, 8 гравюр Фёдара Шурмялёва, выкананыя ў тэхніцы афорту, і 8 матрыц да іх, а таксама прылады мастака, якія выкарыстоўваліся падчас работы.

З прывітальным словам да прысутных звярнуўся намеснік генеральнага дырэктара Нацыянальнай бібліятэкі Беларусі Аляксандр Суша. Ён адзначыў, што арт-кніга з’яўляецца адным з лепшых твораў сучаснай кніжнай культуры. Аляксандр Аляксандравіч нагадаў пра адну з галоўных мэт дзейнасці бібліятэк – захаванне нацыянальнай і сусветнай кніжнай спадчыны, а таксама адзначыў добрасуседства старажытных гравёраў і сучасных майстроў на старонках выданняў, якія захоўваюцца ў бібліятэцы.

13-art-kniga-Yason.jpg

Рэктар Беларускай дзяржаўнай акадэміі мастацтваў Міхаіл Баразна выказаў падзяку Нацыянальнай бібліятэцы за захаванне культурнай спадчыны пачынаючы ад работ Альбрэхта Дзюрэра, Сандра Батычэлі і да… прац Фёдара Шурмялёва, выпускніка, а цяпер і выкладчыка акадэміі. Міхаіл Рыгоравіч падкрэсліў, што арт-кніга – унікальная работа мастака, у якой няма хібаў, адзначыў вытанчанасць афармлення тытульнага ліста, дасканаласць пераплёту і футляра, які сам з’яўляецца творам мастацтва.

Мастацтвазнаўца, куратар Кацярына Кенігсберг дадала, што гравюры змяшчаюць у сабе цэлы свет мастака: у ілюстрацыях мы бачым аўтарскі почырк Фёдара – гэта абавязковыя чырвоныя рыса або пляма, уважлівасць да вытанчаных дэталяў, а таксама ўключэнне ў кантэкст прыкмет сённяшняга часу – завушніц, татуіровак.

Калекцыянер, бібліяфіл Алег Судлянкоў звярнуў увагу на высокую якасць паперы, пераплёту, друку, арыгінальнасць ілюстрацый, прыгажосць і рэдкасць гэтага бібліяфільскага выдання, якое выклікае захапленне, а таксама распавёў пра сумесную творчасць Крыстаса Гіянакаса з беларускімі мастакамі.

Напрыканцы аўтар арт-кнігі мастак-графік Фёдар Шурмялёў расказаў аб праекце: праца вялася ў Беларусі і Грэцыі, спачатку былі створаны эскізы, а ўжо потым вершы, выданне выйшла накладам у 20 асобнікаў. Мастак выказаў падзяку бібліятэцы за магчымасць прадэманстраваць кнігу публіцы.

14-art-kniga-Yason.jpg


Экспазіцыя будзе працаваць у музеі кнігі (пам. 347) да 28 лютага 2022 г.
Дата яе завяршэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 293 27 81, 293 27 79.

Глядзіце рэпартажы тэлеканала "Беларусь 1":

Матэрыял пададзены навукова-даследчым аддзелам кнігазнаўства.

Навіны

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Падзяка за паспяховае супрацоўніцтва ў лічбавізацыі культурнай спадчыны

19 Май 2022

19 мая ў рамках II Міжнароднага лічбавага форуму #GBC (Дзяржава. Бізнес. Грамадзяне) намеснік генеральнага дырэктара ТАА “Беларускія воблачныя тэхналогіі” Міхаіл Дука ўручыў генеральнаму дырэктару Нацыянальнай бібліятэкі Беларусі Аксане Кніжнікавай падзяку за паспяховае супрацоўніцтва пры рэалізацыі праекта па лічбавізацыі культурнай спадчыны Беларусі.

Навіны Нацыянальнай бібліятэкі Беларусі

Візіт дэлегацый сталічных падраздзяленняў органаў унутраных спраў дзяржаў – удзельніц СНД

18 Май 2022

18 мая Нацыянальную бібліятэку Беларусі наведалі дэлегацыі сталічных падраздзяленняў органаў унутраных спраў / паліцыі дзяржаў – удзельніц Садружнасці Незалежных Дзяржаў.

Навіны Нацыянальнай бібліятэкі Беларусі

XXVIII Міжнародныя Кірыла-Мяфодзіеўскія чытанні

17 Май 2022

17 мая ў Нацыянальнай бібліятэцы Беларусі адкрыліся XXVIII Міжнародныя Кірыла-Мяфодзіеўскія чытанні “Хрысціянства ў Беларусі: гісторыя, тэалогія, традыцыі”, прымеркаваныя да 1030-годдзя Праваслаўнай царквы на беларускіх землях.

Навіны Нацыянальнай бібліятэкі Беларусі

Бібліятэкарам