ГалоўнаяНавіныКніжныя выстаўкі
Рэспубліканскі семінар па вывучэнні вопыту арганізацыі фізкультурна-аздараўленчай і спартыўнай работы ў галіне культуры
Выстаўка, прысвечаная 60-годдзю Мінскага дзяржаўнага мастацкага вучылішча імя А.К. Глебава

Шчодры талент

Шчодры талент
Іншыя навіны

З 17 па 31 снежня 2007 года ў зале беларускай літаратуры (пам. 205) праходзіць выстаўка «Шчодры талент», прысвечаная 70-годдзю з дня нараджэння Уладзіміра Васілевіча Гніламёдава.



У.В. Гніламёдаў – вядомы беларускі крытык і літаратуразнаўца, лаўрэат Літаратурнай прэміі імя У. Калесніка (1984) і прэміі Нацыянальнай акадэміі навук Беларусі (2006), доктар філалагічных навук, акадэмік. Яго пяру належыць шэраг крытычных і мастацкіх твораў.

У сваіх працах вучоны даследуе праблемы тэорыі і гісторыі беларускай літаратуры, найбольш характэрныя асаблівасці яе сучаснага развіцця, шматгранныя сувязі з класічнымі традыцыямі, месца і ролю творчай індывідуальнасці ў гісторыка-літаратурным працэсе, праблемы наватарства ў галіне жанравых і стылістычных форм.

Творчая спадчына У. Гніламёдава прадстаўлена на выстаўцы навуковымі працамі і мастацкімі творамі, у ліку якіх манаграфіі «Традыцыі і наватарства» (1972), «Сучасная беларуская паэзія: творчая індывідуальнасць і літаратурны працэс» (1983); зборнікі літаратурна-крытычных артыкулаў «Упоравень з векам» (1976), «Ля аднаго вогнішча» (1984), «Як само жыццё» (1980), «Ад даўніны да сучаснасці» (2001); раманы «Уліс з Прускі» (2006), «Усход», «Вяртанне», якія друкаваліся ў часопісах «Полымя» і «Расія» (2007).

У.В. Гніламёдаў – адзін з аўтараў і рэдактараў фундаментальнай працы «Гісторыя беларускай літаратуры XX стагоддзя» ў 4-х тамах (т. 2–4), якая стала значным дасягненнем усёй беларускай навукова-тэарэтычнай думкі.

Значную цікавасць у наведвальнікаў выстаўкі выклікаюць кнігі, у якіх аўтар звяртаецца да творчасці беларускіх пісьменнікаў, раскрывае іх творчую індывідуальнасць, своеасаблівасці стылю і мастацкага майстэрства. Сярод выданняў – «Янка Купала: жыццё і творчасць» (2002), «Іван Мележ: нарыс жыцця і творчасці» (1984), «Праўда зерня: творчы партрэт Васіля Зуёнка» (1992), «Класікі і сучаснікі» (1987) ііншыя.

Асобным блокам на выстаўцы прадстаўлены працы даследчыка, перакладзеныя на рускую, украінскую, англійскую, французскую, грузінскую, малдаўскую і іншыя мовы.
Кантактны тэлефон 293-27-16
Навіны

Супрацоўнікі бібліятэкі сустрэліся з кіраўніком адміністрацыі Першамайскага раёна

14 Ліс 2019

14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.

Навіны Нацыянальнай бібліятэкі Беларусі

XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі”

14 Ліс 2019

У Аб’яднаным інстытуце праблем інфарматыкі НАН Беларусі 21 лістапада 2019 года пройдзе XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ–2019)”.

Навіны бібліятэк

Валерый Славук прапануе чытаць Макса Фрая

14 Ліс 2019

У лістападзе прыхільнікаў графікі і ў прыватнасці творчасці Валерыя Славука парадавала з’яўленне новай серыі кніг – “Палац мастацтва” (і гэта невыпадкова, бо ўсе мастакі, творчасць якіх будзе адлюстравана на яе старонках, неаднаразова выстаўляліся ў галоўным храме мастацтва Беларусі).

Аўтарскі погляд

Супрацоўнікі Нацыянальнай бібліятэкі Беларусі наведалі бібліятэкі Каралеўства Нідэрланды

14 Ліс 2019

Дзякуючы праекту Еўрапейскага Саюза MOST з 3 па 9 лістапада 2019 г. супрацоўнікі бібліятэкі (Пугачова Святлана, Зелянеўская Наталля, Кавалеўская Нэлі) і Аб’яднанага інстытута праблем інфарматыкі Нацыянальнай акадэміі навук Беларусі (Гецэвіч Юрый, Гецэвіч Святлана) наведалі вядучыя бібліятэкі Каралеўства Нідэрланды.

Навіны Нацыянальнай бібліятэкі Беларусі

Відэаўрок па асновах пошуку ў вэб-каталогу Нацыянальнай бібліятэкі Беларусі

12 Ліс 2019

Анлайн-каталог Нацыянальнай бібліятэкі Беларусі – самы наведвальны і запатрабаваны інфармацыйны рэсурс бібліятэкі. Гэта платформа для пошуку дакументаў з фондаў бібліятэкі, ліцэнзійных баз даных і інфармацыйных рэсурсаў адкрытага доступу.

Навіны Нацыянальнай бібліятэкі Беларусі

111