ГалоўнаяНавіныКніжныя выстаўкі
Дзіцячы пакой запрашае
Навагодні серпанцін

“Сэнс жыцця – у пошуку…”

“Сэнс жыцця – у пошуку…”
Іншыя навіны

З 14 снежня па 20 студзеня ў зале беларускай літаратуры (пам. 205) праходзіць юбілейная выстаўка “Сэнс жыцця – у пошуку…”, прысвечаная 80-годдзю беларускага крытыка і літаратуразнаўца, акадэміка НАН Беларусі У.В. Гніламёдава.


Сваімі працамі Уладзімір Васільевіч Гніламёдаў унёс значны ўклад у развіццё літаратурнай навукі. Ён даследуе сучасную беларускую паэзію, гісторыю, тэорыю і метадалогію беларускай літаратуры і літаратурнай крытыкі.

Як адзначыў літаратуразнавец А.А. Яскевіч, “Уладзімір Васільевіч належыць да тых людзей, якія здольныя не толькі паспяваць за нашым бурлівым і хуткаплынным часам, але і па-навуковаму асэнсоўваць складаныя падзеі літаратурнага і культурнага жыцця, маюць зайздросны талент быць заўсёды мудра разважлівымі і адначасова дзёрзкімі і смелымі ў творчых асэнсаваннях і ацэнках”.

У даследчыцкім арсенале вучонага – як традыцыйныя метадалагічныя прыёмы, так і найноўшыя спосабы раскрыцця законаў, па якіх развіваецца мастацкае слова. Навуковы інтарэс даследчыка распаўсюджваецца як на асобных аўтараў (Я. Колас, А. Куляшоў, В. Зуёнак, Е. Лось, К. Кірэенка, М. Танк, П. Панчанка і інш.), так і на беларускую літаратуру ХХ ст. як адну з формаў нацыянальнай духоўна-эстэтычнай свядомасці. На выстаўцы прадстаўлены шматлікія манаграфіі літаратуразнаўца, сярод якіх “Іван Мележ: нарыс жыцця і творчасці”, “Янка Купала: жыццё і творчасць”, “Пятрусь Броўка”, “Класікі і сучаснікі”, “Традыцыі і наватарства”, “Сучасная беларуская паэзія” і інш., а таксама літаратуразнаўчыя артыкулы ў калектыўных зборніках і часопісах.

Акрамя таго, экспазіцыя дае магчымасць наведвальнікам пазнаёміцца з Уладзімірам Гніламёдавым – таленавітым празаікам. Цыкл раманаў пісьменніка – “Уліс з Прускі”, “Расія”, “Вяртанне”, “Валошкі на мяжы”, ”Вайна” – гэта панарамная карціна жыцця беларуса-заходніка, энцыклапедыя ведаў пра сацыяльныя, палітычныя, гістарычныя і этнаграфічныя аспекты быцця чалавека з народа ў першай палове ХХ ст.

Асобны раздзел выстаўкі прысвечаны працы Уладзіміра Васільевіча ў якасці навуковага рэдактара і члена рэдакцыйнай калегіі. Пры яго ўдзеле выйшлі навуковыя працы “Гісторыя беларускай літаратуры ХІ–ХІХ стагоддзяў”, “Гісторыя беларускай літаратуры ХХ стагоддзя”, серыя кніг “Залатая калекцыя беларускай літаратуры”, шматтомныя зборы твораў беларускіх пісьменнікаў, кнігі В.С. Макарэвіча “Святло імёнаў дарагіх”, В.П. Жураўлёва “Непадкупны суд памяці”, навуковае выданне “Паэтыка літаратурных сувязей” і інш.

Завяршаюць экспазіцыю матэрыялы пра жыццё і творчасць юбіляра.

Кантактны тэлефон: (8 017) 293 27 16.

Навіны

Семінар віртуальнай чытальнай залы ў Брэсцкім дзяржаўным тэхнічным універсітэце

28 Лют 2020

27 лютага ў Брэсцкім дзяржаўным тэхнічным універсітэце прайшоў семінар “Выкарыстанне рэсурсаў віртуальнай чытальнай залы Нацыянальнай бібліятэкі Беларусі пры стварэнні інавацыйнага навукова-адукацыйнага асяроддзя ВНУ”.

Навіны Нацыянальнай бібліятэкі Беларусі

Семінары віртуальнай чытальнай залы ў Нацыянальнай акадэміі навук Беларусі

28 Лют 2020

27 лютага серыя семінараў віртуальнай чытальнай залы па прадстаўленні электронных рэсурсаў працягнулася ў Нацыянальнай акадэміі навук Беларусі.

Навіны Нацыянальнай бібліятэкі Беларусі

Магчымасці выкарыстання віртуальнай чытальнай залы Нацыянальнай бібліятэкі прадстаўлены ў Брэсцкім дзяржаўным універсітэце

27 Лют 2020

26 лютага ў Брэсцкім дзяржаўным універсітэце імя А.С. Пушкіна прайшоў семінар "Сучасныя падыходы да павышэння эфектыўнасці інфармацыйнага забеспячэння навуковай і адукацыйнай дзейнасці".

Навіны Нацыянальнай бібліятэкі Беларусі

Семінар віртуальнай чытальнай залы Нацыянальнай бібліятэкі Беларусі ў Беларускім дзяржаўным універсітэце

27 Лют 2020

26 лютага ў Беларускім дзяржаўным універсітэце прайшоў семінар “Публікацыйная стратэгія вучонага”. Мерапрыемства было арганізавана БДУ сумесна з Нацыянальнай бібліятэкай Беларусі і кампаніяй Clarivate Analytics.

Навіны Нацыянальнай бібліятэкі Беларусі

Лекцыя “Ад «Маладняка» да «Маладосці»”

27 Лют 2020

26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.

Навіны Нацыянальнай бібліятэкі Беларусі

Эпізоды мастацкага жыцця Віцебска на старонках газет

27 Лют 2020

Пры ўсіх неадназначных працэсах, якія адбываліся на тэрыторыі Беларусі ў палітычнай, духоўнай і культурнай сферах у 1917–1922 гг., ішлі станаўленне беларускага нацыянальнага выяўленчага мастацтва і фарміраванне шматнацыянальнай групы мастакоў.

Праект “Сведкі эпохі: Беларусь на старонках газет 100-гадовай даўніны”

111