20 снежня дзіцячы пакой запрашае бацькоў на майстар-клас па скрапбукінгу “Хутка Новы год”.
Новы год – самы лепшы час, каб парадаваць блізкіх нечым незвычайным і асаблівым, тым, што захочацца ўзяць з сабой у надыходзячы год і беражліва захоўваць яшчэ доўга. Часцей за ўсё гэтымі скарбамі аказваюцца сувеніры, якія дзіця зрабіла сваімі рукамі.
На мерапрыемстве маленькія майстры створаць навагоднія пано ў тэхніцы скрапбукінг. Яны навучацца працаваць з паперай для скрапбукінгу, камбінаваць складаныя малюнкі, колер і тэкстуру, а таксама ўпрыгожаць пано рознакаляровымі бліскаўкамі, стужкамі, гузікамі і іншымі дэталямі. На занятках хлопчыкаў і дзяўчатак чакае вясёлая танцавальная размінка пад музыку.
Дзеці адкрыюць для сябе радасць творчасці і зносін, акунуцца ў станоўчыя эмоцыі і навагодні настрой.
Час правядзення мерапрыемства: 18.00–19.30.
Наведванне дзіцячага пакою платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
